Սիրիայի անցումային շրջանի նախագահն Էրդողանին խոստացել է ազատվել քուրդ զինյալներից

Քաղաքական15:17, 07 Փետրվար 2025

Սիրիայի անցումային շրջանի նախագահն Էրդողանին խոստացել է ազատվել քուրդ զինյալներից

Սիրիայի նոր առաջնորդ Ահմեդ ալ-Շարան առաջին անգամ հարցազրույց է տվել միջազգային պարբերականի:

Մասնավորապես բրիտանական «The Economist»-ին տված հարցազրույցում անդրադարձել է Սիրիայում տիրող իրավիճակին և քրդական հարցին:

Նա քրդերի հետ բանակցությունների գործընթացին անդրադառնալով՝ նշել է, որ դրանց արդյունքների մասով այդքան էլ լավատես չէ:

Միջանկյալ նշենք, որ Սիրիայում տեղի ունեցած իշխանափոխությունից հետո Սիրիա քրդական ուժերը, որոնց Անկարան համարում է ահաբեկչական, դեռևս իրենց վերահսկողության տակ են պահում Սիրիայի հյուսիսում գտնվող որոշ շրջաններ:

Քրդերի մասին խոսելիս, Շարան նկատի է ունեցել «Քուրդիստիանի բանվորական կուսակցությունը» (PKK-ՔԲԿ):

Այս համատեքստում Սիրիայի նորընտիր նախագահը նաև նշել է, թե Թուրքիայի նախագահ Ռեջեփ Թայիփ Էրդողանին խոստացել է, որ իրենց երկրում «PKK»-ական և ոչ մի բազա չի մնալու:

Խմբ. - Թուրքիան և Սիրիայի նոր կառավարությունը պնդում են, որ Սիրիայում PKK-ականներ կան և նույնիսկ ԱՄՆ-ի կողմից աջակցություն վայելող «Սիրիայի քրդական ինքնապաշտպանական ուժերին» (YPG) նույնացնում նրանց հետ:

Հիշեցնենք, որ Թուրքիան և նրա աջակցությունը վայելող խմբավորումները վերջին 4 տարիներին Սիրիայի քրդական ուժերի դեմ մի շարք խոշոր ռազմական ռազմական գործողություններ են իրականացրել, որոնց հետևանքով այդ տարածքները մինչև Սիրիայում տեղի ունեցած իշխանափոխությունը, մնացել էին փաստացի օկուպացման տակ:

Աղբյուր` Ekonomim.com

Այս ենթաբաժնի վերջին նորությունները

17:23, 30 հուն

Թուրքիայի նախագահը մեկնելու է Լեռնային Ղարաբաղ

Էրդողանը պիտի մասնակցի «Տնտեսական համագործակցության կազմակերպության» (ECO) անդամ երկրների 17-րդ գագաթնաժողովին։

13:02, 30 հուն

Մեծ Բրիտանիայի արտգործնախարարը կմեկնի Թուրքիա

Աղբյուրն ընդգծում է, որ Մեծ Բրիտանիայում բնակվում է մոտ կես միլիոն թուրք։

14:39, 27 հուն

Թուրքիայի առևտրի նախարարը հանդիպել է ՌԴ փոխվարչապետի հետ

Կողմերը քննարկել են առևտրաշրջանառության ծավալը հասցնել 100 մլրդ դոլարի և մտքեր են փոխանակել առաջիկա ժամանակահատվածում իրականացվելիք նախագծերի վերաբերյալ։