Թուրքիան ու Կատարը ստորագրել են ռազմական համագործակցության մի շարք արձանագրություններ

Ռազմական17:31, 04 Փետրվար 2025

Թուրքիան ու Կատարը ստորագրել են ռազմական համագործակցության մի շարք արձանագրություններ

Թուրքիայի պաշտպանության նախարար Յաշար Գյուլերը պաշտոնական այցով մեկնել է Կատար և հանդիպել Կատարի փոխվարչապետ և պաշտպանության հարցերով պետնախարար Շեյխ Սաուդ բեն Աբդուրահման բին Հասան բեն Ալի Ալ Թանիի հետ։

Հանդիպման արդյունքում ստորոգրվել են մի շարք արձանագրություններ երկու երկրների պաշտպանության նախարարությունների պատվիրակությունների միջև:

Ստորագրված արձանագրությունները ներառում են համատեղ ներդրումային և համագործակցության ծրագրեր:

Համագործակցության արձանագրությունները ստորագրվել են Կատարի «‎Barzan Holding»‎-ի և թուրքական «‎ASFAT A.Ş.»‎ և «‎MKE A.Ş»‎ ռազմարդյունաբերական ընկերությունների միջև:

Հիշեցնենք, որ 2015-ին Թուրքիան և Կատարը կնքել էին Կատարում թուրքական ռազմաբազա հիմնելու մասին պայմանագիր: 2016-ին Կատարի և Թուրքիայի կառավարությունները կնքել էին Կատարում թուրքական ռազմաբազա տեղակայելու համաձայնագիր, որը վավերացվեց Թուրքիայի խորհրդարանի կողմից:

Համաձայնագրի վավերացումից անմիջապես հետո Թուրքիան սկսեց զորք և զինտեխնիկա ուղարկել Կատարի թուրքական ռազմաբազա:

Աղբյուր` Sondakika.com.tr

Այս ենթաբաժնի վերջին նորությունները

10:55, 19 հուն

Գյուլեր․ «Պարզ ճշմարտություն է՝ Ադրբեջանի ուժը մեր ուժն է, Թուրքիայի ուժը՝ Ադրբեջանինը»

Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։

10:37, 19 հուն

Ըստ Global Firepower կենտրոնի, Թուրքիայի բանակը 16-րդն է աշխարհում

Ամերիկյան «Global Firepower»ը հրապարակել է 2025-ի այն երկրների ցանկը, որոնք ունեն ակտիվ զինվորներ և նշել այդ երկրների պաշտպանական կարողությունների թիվը։