Ֆիդան․ «Ադրբեջանի և Հայաստանի միջև խաղաղության գործընթացի հաջող ավարտի համար պատմական հնարավորություն է ստեղծվել»

Քաղաքական15:12, 21 Դեկտեմբեր 2024

Ֆիդան․ «Ադրբեջանի և Հայաստանի միջև խաղաղության գործընթացի հաջող ավարտի համար պատմական հնարավորություն է ստեղծվել»

Թուրքիայի արտգործնախարար Հաքան Ֆիդանը հանդիպել է Գերմանիայի արտաքին գործերի նախարար Աննալենա Բաերբոքի հետ։ Հանդիպման ընթացքում կողմերը քննարկել են Թուրքիա-ԵՄ հարաբերությունները, Սիրիայի հարցը, արաբա-իսրայելական հակամարտությունը, ինչպես նաև անդրադարձել Հայաստանի ու Ադրբեջանի միջև խաղաղության գործընթացին։

Ֆիդանը նշել է, որ իրենք ակնկալում են, որ Գերմանիան առաջատար դեր կխաղա ԵՄ-ում Թուրքիա-ԵՄ հարաբերությունների աշխուժացման ուղղությամբ։ Թուրքիայի արտգործնախարարի խոսքով՝ Սիրիայում անհրաժեշտ է անվտանգություն և կայունություն հաստատել, ապահովել անվտանգ վերադարձ և հատկապես դրանում կարևորել է միջազգային հանրության աջակցությունը։

Անդրադառնալով իսրայելա-պաղեստինյան հակամարտությանը՝ Ֆիդանը շեշտել է, որ Իսրայելի կողմից «Գազայում իրականացված ցեղասպանությունը» պետք է դադարեցվի, իսկ միջազգային հանրությունը համատեղ ջանքեր գործադրի՝ ապահովելու մարդասիրական օգնության անխափան մուտքը Գազա։

Խոսելով նաև ռուս-ուկրաինական հակամարտությունից՝ Ֆիդանն ընդգծել է, որ այն պետք է վերջնականապես ավարտվի և Թուրքիան աջակցում է բանակցային գործընթացին։

Անդրադառնալով Հայաստանի ու Ադրբեջանի միջև խաղաղության գործընթացին՝ Ֆիդանը նշել է, որ որ Ադրբեջանի և Հայաստանի միջև խաղաղության գործընթացի հաջող ավարտի համար պատմական հնարավորություն է ստեղծվել։ Ըստ նչա՝ երրորդ կողմերը պետք է արդար և անաչառ ձևով խթանեն այս գործընթացը:

Աղբյուր` tontv.com.tr

Այս ենթաբաժնի վերջին նորությունները

17:45, 12 սեպ

Ի՞նչ պայմանավորվածություններ են ձեռք բերել Ռուբինյաննն ու Քըլըչը

Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։

15:46, 12 սեպ

Սերդար Քըլըչ. «Շնորհակալություն ջերմ ընդունելության համար»

Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: