Համաշխարհային բանկը Թուրքիային հատկացնում է 910 մլն դոլար

Տնտեսական14:22, 06 Դեկտեմբեր 2024

Համաշխարհային բանկը Թուրքիային հատկացնում է 910 մլն դոլար

Համաշխարհային բանկը հաստատել է Թուրքիային 910 մլն դոլարի ֆինանսավորում տրամադրելու որոշումը: Այն կընթանա 2 փուլով։ Նախ կտրամադրի 660 մլն դոլար՝ էլեկտրական երկաթուղային փոխադրումների ընդլայնման համար, իսկ այնուհետև 250 մլն դոլար՝ հանրային առողջապահության ոլորտը բարելավելու նպատակով։

Ֆինանսավորման ծրագրի շրջանակներում Սիվասի Դիվրիգի շրջանի և Կարսի միջև կապը կընդլայնվի 660կմ՝ ամբողջությամբ էլեկտրիֆիկացված և ժամանակակից երկաթուղային գծով:

Իսկ Թուրքիայի հանրային առողջապահությանը հատկացվելիք գումարը կօգնի ընդլայնել պատվաստանյութերի արտադրությունը և ամրապնդել արտակարգ իրավիճակներին դիմակայելու և արագ արձագանքելու կարողությունը:

Արտակարգ իրավիճակներին պատրաստվածությունը կներառի հանրային առողջապահության այն ռիսկերը, որոնք բխում են երկրի վարակիչ հիվանդություններից, կլիմայի փոփոխությունից և բնական աղետներից։

Աղբյուր` ntv.com.tr

Այս ենթաբաժնի վերջին նորությունները

15:13, 08 մայ

Թուրքիան Սոմալիում 20 մլրդ բարել նավթային պաշար է հայտնաբերել

Ըստ Սոմալիի և Թուրքիայի միջև կնքված նավթային ոլորտի համագործակցության համաձայնագրի՝ ստացված եկամուտների 30 տոկոսը պատկանում է թուրքական կողմին։

12:56, 08 մայ

Քննարկվել է Թուրքիա-Վրաստան առևտրային համագործակցությանը վերաբերող հարցեր

Թուրքիայի Ռիզե նահանգի փոխնահանգապետն ընդունել է Բաթումիում Թուրքիայի գլխավոր հյուպատոսի և Աջարիայի առևտրաարդյունաբերական պալատի նախագահի պատվիրակությանը։