Քաղաքական11:44, 01 Հոկտեմբեր 2024
Էրդողանն Իսրայելին մեղադրում է ավազակային հարձակումների մեջ
Թուրքիայի նախագահ Ռեջեփ Թայիփ Էրդողանը սեպտեմբերի 30-ին կառավարության նիստից հետո ունեցած ելությում անդրադարձել է Մերձավոր Արևելքում տեղի ունեցող իրադարձություններին:
Նա ընդգծել է, որ Իսրայելի գործողությունների արդյուքնում լիբանանցիները ստիպված լքում են իրենց տները, ապա հավելել, որ թուրքական քաղաքացիական կազմակերպությունները, չնայած բարդ իրավիճակին, անում են ամեն ինչ նրանց օգնելու համար:
«Մենք էլ Իսրայելի հարձակումները կանխելու համար թափ ենք հաղորդել դիվանագիտական շփումներին: Մեր արտգործնախարարը, MİT-ի ղեկավարն ու այլ պաշտոնյաներ այս հարցում սերտ կապի մեջ են իրենց գործընկերների հետ»,- ասել է նա:
Բացի այդ Էրդողանը հայտարարել է, որ միջազգային հանրությունն այլևս չի կարող լռել և անարձագանք թողել Իսրայելի կողմից իրականացվող քայլերը՝ դրանք որակելով «ավազակային հարձակումներ»:
«Եթե Անվտանգությանը խորհդուրդը (ՄԱԿ) չցուցաբերի անհրաժեշտ կամք, ապա պետք է Գլխավոր ասամբլեայի 1950-ին ընդունած խաղաղության համար միասնական որոշման մեջ անհապաղ փոփոխություն մտցվի ուժի կիրառումն առաջարկելու իրավասության մեջ»,- եզրափակել է Էրդողանը:
Նշենք, որ Իսրայելը հոկտեմբերի 1-ին Լիբանանի ուղղությամբ մեկնարկել է «Հյուսիսային նետեր» ցամաքային ռազմագործողությունը: Ըստ Իսրայելի ռազմական գերատեսչության X-ի գրառման՝ այն սահմանափակ ու տեղայնացված է, ինչպես նաև ուղղված իրենց կողմից ահաբեկչական ճանաչված «Հեզբոլլահ» խմբավորման դեմ:
Այս ենթաբաժնի վերջին նորությունները
Վիրավորները հոսպիտալացվել են մոտակա հիվանդանոցներ, սկսվել է հետաքննություն։
Նորընտիր անդամները պաշտոնը կստանձնեն 2026 թվականի հունվարի 1-ից։
Զրուցակիցները քննարկել են Հայաստան–Թուրքիա հարաբերություններին և տարածաշրջանային զարգացումներին վերաբերող հարցեր, պայմանավորվել շարունակել երկխոսությունը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |