Քաղաքական11:59, 30 Սեպտեմբեր 2024
Ֆիդանը Նեթանյահուի կառավարությանն անվանում է «մոլեռանդ և ցեղասպան»
Թուրքիայի արտգործանախարարության «X»-ի էջում կատարված հրապարակման մեջ մանրամասներ են ներկայացվել գերատեսչության ղեկավար Հաքան Ֆիդանի` «Միացյալ ազգերի կազմակերպության» (ՄԱԿ) Գլխավոր ասամբլեայի 79-րդ նստաշրջանում ունեցած ելույթի մասին:
Նստաշրջանին զուգահեռ անցկացվել էր «Քաղաքակրթությունների դաշնային և բարեկամական խմբի արտգործնախարարների նիստ», որի ժամանակ Ֆիդանն անդրադարձել էր Պաղեստինի հարցին:
Նա հայտարարել է, որ Թուրքիայի վերջնանպատակը Պաղեստինի խնդրի լուծման հարցում ունեցած սեփական տեսակետի կյանքի կոչումն է, որով պետք է ստեղծվի երկու պետություն:
Ֆիդանը նաև շնորհավերել է Պաղեստինին՝ ՄԱԿ Գլխավոր ասամբլեայի անդամ երկրների մեջ հայտնվելու առթիվ և ընդգծել այդ պետության ՄԱԿ ամբողջական անդամ դառնալու կարևորությունը:
«Սակայն կարևոր է, որ Պաղեստինն առանց ուշացման դառնա ՄԱԿ-ի լիիրավ անդամ»:
Թուրքիայի ԱԳ նախարարը, անդրադառնալով Իսրայելի կողմից Պաղեստինի նկատմամբ վարվող քաղաքականությանը, ասել է, որ Իսրայելի վարչապետ Բենյամին Նեթանյահուի «մոլեռանդ» կառավարությունը բացահայտ կերպով «ցեղասպանական արշավ» է իրականացնում պաղեստինցիների դեմ:
Նշենք, որ Իսրայելի և Պաղեստինի Գազայի հատվածում իշխող «ՀԱՄԱՍ» խմբավորման անդամների միջև վերջիններիս նախահարձակմամբ ռազմական լայնամասշտաբ բախումը մեկնարկել է 2023-ի հոկտեմբերի 7-ին և շարունակվում է մինչ օրս:
Բախումներից հետո Թուրքիան անմիջապես որդեգրեց հակահրեական քաղաքականություն, որին հաջորդեց առևտրի ամբողջական դադարեցման և Իսրայելի կողմից ցեղասպանության իրականացման մասին հայտարարությունները, սակայն հատկանշական է, որ մինչ օրս իրարամերժ տարբեր լուրեր են տարածվում՝ առևտուրը շարունակելու մասին:
Այս ամենին զուգահեռ Թուրքիայի բարձրաստիճան ղեկավարությունը շարունակում է յուրաքանչյուր հնարավոր հարթակում խոսել Պաղեստինի խնդրի մասին:
Այս ենթաբաժնի վերջին նորությունները
Թուրքիան կոշտ է արձագանքել Իսրայելի կողմից «Madleen» նավի նկատմամբ իրականացված միջամտությանը։ Նավում կան նաև Թուրքիայի քաղաքացիներ:
Զրույցի ընթացքում Թուրքիայի նախագահը նաև շնորհավորել է Շահբազ Շերիֆին Քուրբան Բայրամի առթիվ։
Թուրքիայի ԱԳՆ-ի հաղորդմամբ՝ զրույցի ընթացքում քննարկվել են ռուս-ուկրաինական պատերազմն ավարտելուն ուղղված ջանքերը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Զրույցի ընթացքում Թուրքիայի նախագահը նաև շնորհավորել է Շահբազ Շերիֆին Քուրբան Բայրամի առթիվ։
Թուրքիան կոշտ է արձագանքել Իսրայելի կողմից «Madleen» նավի նկատմամբ իրականացված միջամտությանը։ Նավում կան նաև Թուրքիայի քաղաքացիներ:
Չեթինգյուլեչը հավելել է, որ այս հնարքով Վանի տնտեսությունն ու զբոսաշրջությունը աշխուժացել են, իսկ ինքը, թեև խոստովանում է, որ դա ապատեղեկատվություն էր։
Թուրքիայի ԱԳՆ-ի հաղորդմամբ՝ զրույցի ընթացքում քննարկվել են ռուս-ուկրաինական պատերազմն ավարտելուն ուղղված ջանքերը։
Թուրքիայի կենտրոնական բանկի տվյալները ևս հաստատում են խնայողությունների աճն առավելապես վերնախավի շրջանում, ինչը մատնանշում է երկրում սոցիալ-տնտեսական բևեռացման խորացումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |