Իրավական09:24, 03 Սեպտեմբեր 2024
Թուրքիայում ցմահ դատապարտյալը 2 մարդ է սպանել
Թուրքիայի արևմտյան հատվածում գտնվող Իզմիր քաղաքում ուշագրավ դեպք է տեղի ունեցել:
Սեպտեմբերի 2-ին թուրքական թերթերի գլխագրերում հայտնված իրադարձությունը կապված է նախկինում սպանության համար ցմահ դատապարտված, սակայն պայմանական ազատության մեջ գտնվող անձի հերթական զոհերի հետ:
Բյուլենթ Շենգյուն անունով հանցագործն Իզմիրի Այրանջըլար թաղամասում տաքսի է նստել՝ վարորդին խնդրելով ուղևորվել Յազըբաշը թաղամաս, այնուհետև, նրան տանելով լքված ինչ-որ վայրի ուղղությամբ, ատրճանակի կրակոցով սպանել:
Շենգյունը, վստահ լինելով, որ տաքսու վարորդը մահացել է, վերադառնում և կողոպտում է մեքենան, ապա դիմում փախուստի:
Փախուստի ընթացքում 37-ամյա հանցագործն ուղևորվում է Թորբալը շրջանի Ֆևզի Չաքմաք թաղամաս, որտեղ էլ յուրացնում է ճանապարհին կայանած մեքենաներից մեկը: Սակայն Շենգյունն այսքանով չի սահմանփակվում:
Հանցագործը նախ մտնում է խանութներից մեկն ու փորձում աշխատակցին թալանել, որտեղ էլ վերջինս անձնական ատրճանակից արձակած կրակոցից ծանր վիրավորում է հասցնում և արագ լքում դեպքի վայրը: Աշխատակիցն ահազանգում է ոստիկանություն:
Ոստիկանության կողմից հետախուզման մեջ գտնվող և արդեն իսկ բազմակի հանցանքների մեջ թաթախված Շենգյունը, խանութից հեռանալիս նկատում է գումար կանխիկացնող անձի, մոտենում նրան, թալանում, իսկ վերջում ատրճանակի կրակոցով սպանում արդեն օրվա 2-րդ մարդուն:
Ավելի ուշ ոստիկանության աշխատակիցներին այնուամենայնիվ հաջողվում է շղթայական հանցագործություններ իրականացրած անձին ձերբակալել:
Այս ենթաբաժնի վերջին նորությունները
Ստամբուլում ընդդիմադիրներ գործիչների ձերբակալությունների հերթական ալիքն է սկսվել:
Եվրոպայի բռնության և վատ վերաբերմունքի կանխարգելման կոմիտեն ապրիլի 7-ից 11-ը եղել է Թուրքիայում:
Թուրքական դատարանը բարոյական վնասի փոխհատուցման այդպիսի որոշում է կայացրել:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |