Իրավական14:08, 02 Սեպտեմբեր 2024
Թուրքիայի իշխանական շրջանակներին անօրինության մեջ մեղադրող փաստաբանը կալանվորվել է
Ավելի վաղ Թուրքիայում ձերբակալված քրեական հարցերով փաստաբանը կալանավորվել է: Ըստ պաշտոնական հայտարարությունների՝ Դիլեք Էմեքչին անազատության մեջ է X-ում կատարած գրառուների համար:
Էմեքչին մեղադրվում է «հանրային պաշտոնյային վիրավորելու» և «զրպարտելու» մեջ:
Չնայած փաստաբանի ձերբակալման և ապա կալանավորման պատճառների մասին տարածվող պաշտոնական լուրերի՝ թուրքական մեդիայում շրջանառվում են լուրեր, որոնց համաձայն՝ Էմեքչին ամենևին էլ մեղավոր չէ:
Նշվում է, որ ավելի վաղ փաստաբանը կազմել և Թուրքիայի գլխավոր դատախազություն մեղադրական էր ներկայացրել Թուրքիայում իշխող «Արդարություն և զարգացում կուսակցության» (ԱԶԿ-AKP) հետ «Ժողովուրդ» (Cumhur) դաշինքի մեջ գտնվող «Ազգայնական շարժում կուսակցության» (ԱՇԿ-MHP) և «Գորշ գայլերի» հետ կապակցված, ԱՇԿ-ի երիտասարդական թևի՝ «Գաղափարապաշտների օջախների» կարկառուն ներկայացուցիչների դեմ:
Էմեքչին նրանց մեղադրել էր «Հանցավոր նպատակներով կազմակերպություն» հիմնելու մեջ, ինչին էլ հաջորդել էր փաստաբանի անսպասելի ձերբակալումն ու կալանավորումը:
Տեղի ունեցածի վերաբերյալ հայտարարություն էր տարածել նաև Թուրքիայի «Փաստաբանների իրավունքների պաշտպանության խումբը»: Դրանում ասվել է.
«Մեր գործընկերը կալանավորվել է հանցանքի և ոչ մի տար չպարունակող X-ի գրառման համար: Կալանավորումը շարունակվում է կիրառվել որպես անպատասխանատու և անսահմանափակ պատժի գործիք: Սա մեզ համար երբեք ընդունելի չի լինելու: Թե՛ մեր գործընկերները, թե՛ մենք շարունակելու ենք պայքարել իրավունքի գերակայության համար»:
Նշենք, որ Էմեքչիի մեղադրականը եղել է 25 մարդու, այդ թվում՝ «ԱՇԿ»-ի փոխնախագահ Իզզեթ Ուլվի Յոնթերի, «ԱՇԿ»-ի կենտրոնական կառավարման խորհրդի անդամներ Շահին Գյուրզի, Թեմեր Չաքըրօղլուի և Նևզաթ Ունլյություրքի, Ստամբուլում «ԱՇԿ»-ի նահանգային ղեկավար Սերթեր Սելիմի և այլոց դեմ:
Այս ենթաբաժնի վերջին նորությունները
Իտալական մամուլի տեղեկություններով՝ նրանք կասկածվում են «Մակկինա դի Սանտա Ռոզա» տոնին հնարավոր հարձակման նախապատրաստման մեջ։
Եթե 2020-ի դրությամբ Թուրքիայում քրեակատարողական հիմնարկների համալրվածությունը կազմում էր մոտավորապես 230.000, ապա այսօր այն գերազանցում է 266.000-ը:
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Կողմերը քննարկել են Թուրքիայի պաշտպանական արդյունաբերության ներուժը, տեղական և ազգային հնարավորությունների զարգացումը։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |