Արցախից ռուս խաղաղապահների դուրսբերումն Էրդողան-Ալիև հանդիպման օրակարգում

Քաղաքական11:50, 11 Հունիս 2024

Արցախից ռուս խաղաղապահների դուրսբերումն Էրդողան-Ալիև հանդիպման օրակարգում

Հունիսի 10-ին կայացել է Թուրքիայի և Ադրբեջանի նախագահներ Ռեջեփ Թայիփ Էրդողանի ու Իլհամ Ալիևի հանդիպումը:

Թուրքիայի նախագահականի հանրային կապերի վարչության համաձայն՝ կողմերը քննարկել են Պաղեստինի Գազայի հատվածում տիրող իրավիճակը, ինչպես նաև այժմ ադրբեջանական օկուպացիայի ներքո գտնվող Լեռնային Ղարաբաղին (Արցախ) ու Հյուսիսային Կիպրոսի թուրքական ինքնահռչակ հանրապետությանը վերաբերող հարցեր:

Էրդողանն ընդգծել է, որ Թուրքիան հետևում է Ղարաբաղում տեղակայված (44-օրյա պատերազմից հետո-խմբ.) ռուսական խաղաղապահ ուժերի դուրսբերման գործընթացին:

Նա շնորհակալություն է հայտնել Ալիևին՝ Բաքվում անցկացվելիք COP29-ին մասնակցելու հրավեր անելու համար և հայտնել Թուրքիայի պատրաստակամությունը դրա նախապատրաստական աշխատանքներում անհրաժեշտ օգնություն ցուցաբերելու գործում։

COP29 - Միացյալ ազգերի կազմակերպության (ՄԱԿ) «Կլիմայի փոփոխության մասին շրջանակային կոնվենցիայի մասնակիցների կոնֆերանսի 29-րդ նստաշրջանի գումարում»:

Հիշեցնենք, որ Ալիևն Էրդողանի հրավերով էր հունիսի 10-ին մեկնել Թուրքիա:

Աղբյուր` trthaber.com

Այս ենթաբաժնի վերջին նորությունները

15:48, 26 հուն

Թուրքիայի ՊՆ-ն՝ Իրանի և Իսրայելի միջև հրադադարի մասին

Նշվում է, որ Իրանի միջուկային օբյեկտների վրա հարձակման դեպքում հնարավոր ճառագայթային արտահոսքը լուրջ վտանգ կներկայացնի ողջ տարածաշրջանի երկրների համար։

15:04, 26 հուն

Էրդողան․ Սկսվել են F-35 կործանիչների ծրագրի շուրջ տեխնիկական մակարդակով բանակցությունները

Թուրքիայի նախագահը Նիդերլանդերից վերադառնալիս ինքնաթիռում պատասխանել է լրագրողների հարցերին։ Անդրադարձել է նաև վերջերս Թրամփի հետ ունեցած հանդիպման արդյունքներին։