Թուրքիայում քուրդ գործարար է ձերբակալվել մայրենի լեզվով խոսելու համար

Իրավական14:00, 31 Մայիս 2024

Թուրքիայում քուրդ գործարար է ձերբակալվել մայրենի լեզվով խոսելու համար

Թուրքիայի արևելյան հատվածի Դիարբեքիր նահանգում գործող սրճարաններից մեկի տերը ձերբակալվել է ծառայությունները քրդերեն մատուցելու պատճառով:

Նշվում է, որ «Pîne Kafe» անունով սրճարանը պատկանում է ազգությամբ քուրդ Ռամազան Շիմշեքին:

Նա մայիսի 15-ից ի վեր՝ քրդերենի օրը նշելուց հետո, որոշել էր իր սրճարանում ծառայություններ մատուցել միայն քրդերենով:

«Դիմավորումը, պատվերի գրանցումն ու կապի հաստատումն իրականացվում է քրդերենով: Մեր սրճարան գալիս են նաև քրդերեն չիմացողները:

Նրանք իրենց լեզվով են ասում այն, ինչ ուզում են, սակայն մենք քրդերեն ենք պատասխանում: Մեր սրճարան կարող են գալ նաև մարդիկ, ովքեր չգիտեն քրդերեն: Ասում ենք՝ թո՛ղ գան: Թո՛ղ գան և քրդերեն սովորեն»,-ասել էր նա:

Քրդամետ «Rûdaw» լրատվակայքի տվյալներով՝ Շիմշեքի ձերբակալման պատճառը հենց քրդերեն լեզուն կիրառելն է եղել:

Աղբյուր` Rudaw.net

Այս ենթաբաժնի վերջին նորությունները

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։