Տնտեսական10:45, 31 Մայիս 2024
Թուրքիան և Ադրբեջանը մտադիր են առևտրաշրջանառության ծավալները հասցնել 15 մլրդ դոլարի
Մայիսի 30-ին Ադրբեջանի մայրաքաղաք Բաքվում անցկացվել է «Թուրքիա-Ադրբեջան աշխատանքային և սոցիալական անվտանգության համատեղ մշտական հանձնաժողովի» 11-րդ նիստը: Նիստից առաջ Թուրքիայի աշխատանքի և սոցիալական անվտանգության նախարար Վեդաթ Ըշըքհանը հանդիպել է ադրբեջանցի իր գործընկերոջ՝ Սահիլ Բաբաևի հետ:
Ըշըքհանը նիստում հայտարարել է, որ Թուրքիայի նախագահ Ռեջեփ Թայիփ Էրդողանի առաջնորդությամբ իրենց երկիրը կշարունակի յուրաքանչյուր հարցում աջակից լինել Ադրբեջանի ժողովրդին և պետությանը:
Թուրք նախարարն ասել է նաև, որ Ադրբեջանը վերածվել է առևտրային, մշակութային և տնտեսական կենտրոնի ու հայտնել թուրքական պետության պատրաստակամությունը՝ տարածաշրջանը զարգացնելու և իրենց բաժինն անելու մասով:
Ըշըքհանը խոսել է երկու պետության միջև առկա առևտրային հարաբերություններից ևս: Նա գոհունակություն է հայտնել առևտրաշրջանառության ծավալներից՝ արձանագրելով դրանցում գրանցված աճը:
«Մենք վճռական ենք մեր ջանքերը բազմապատկելու մեր նպատակին՝ 15 մլրդ դոլարի առևտրաշրջանառությանը հասնելու համար»:
Նա նաև հայտնել է, որ Ադրբեջանի և Թուրքիայի միջև փոխադարձ ներդրումների ծավալները հասնում են շուրջ 30 մլրդ դոլարի, ինչն էլ նպաստում է քաղաքացիների որակյալ աշխատանք ունենալու հնարավարության ընդլայնմանը:
Ըստ թուրք պաշտոնյայի՝ մինչ օրս պայմանագրային հիմունքներով գործող թուրքական ընկերությունների կողմից Ադրբեջանում ընդհանուր առմամբ 19.3 մլրդ դոլար արժողությամբ 527 նախագիծ է իրականացվել:
Մամուլի համար արված հայտարարությունում Ըշըքհանը նշել է, որ ստորագրված արձանագրությամբ մեկնարկել է 2024-2025 գործողությունների ծրագրի իրականացումը, ինչը ներառում է աշխատանքի, զբաղվածության, սոցիալական անվտանգության, աշխատանքային առողջության և անվտանգության հարցերի վերաբերյալ 30 գործողություն:
«Այս գործողություններն ավարտին հասցնելով՝ կապահովենք մեր կառույցների ունեցած գիտելիքների փոխանակում և աշխատանքի, զբաղվածության ու սոցիալական անվտանգության ոլորտնում համատեղ աշխատանքների իրականացում:
Մենք ուշադիր հետևելու ենք այս գործողությունների իրագործմանը: Այսօր մեր կողմից ստորագրված արձանագրությունը հստակեցնում է առաջիկա 2 տարում մեր համագործակցության հիմնական ուղիները»,- հավելել է նա:
Նշենք, որ նիստին մասնակցելու նպատակով Բաքվում գտնվող Ըշըքհանն այցելել է Ադրբեջանի նախկին նախագահ, ներկայիս նախագահ Իլհամ Ալիևի հոր՝ Հեյդար Ալիևի գերեզման:
Այս ենթաբաժնի վերջին նորությունները
Ընկերության տարածած հայտարարության մեջ նշվում է, որ գործունեության դադարեցման պատճառը Թուրքիայում տիրող տնտեսական պայմաններն են։
Ստացված տեղեկությունների համաձայն՝ 5 գիգավատ հզորությամբ նախագիծը ներկայիս գներով կարժենա 5 մլրդ դոլար:
Կարսում կազմակերպված «Սահմանակից նահանգների տնտեսական ֆորում»-ին ներկա է գտնվել նաև Թուրքիայում Ադրբեջանի դեսպան Ռաշադ Մամեդովը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Անտառային հրդեհները դեռևս չի հաջողվում վերասհկողության տակ առնել, նույնսիկ չվերթներ են հետաձգվել։
Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։
Թուրքական «Asal» հետազոտական ընկերությունը հարցում է անցկացրել 26 նահանգում, որին մասնակցել է 18 տարեկանից բարձր 2012 մարդ։
Մեծ Բրիտանիայի արտաքին գործերի նախարար Դեյվիդ Լեմմին պաշտոնական այցով մեկնել է Թուրքիա և հանդիպել Հաքան Ֆիդանի հետ։
Էրդողանը պիտի մասնակցի «Տնտեսական համագործակցության կազմակերպության» (ECO) անդամ երկրների 17-րդ գագաթնաժողովին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |