Իրավական10:55, 17 Մայիս 2024
Էրդողանը ներում է շնորհել հեղաշրջման գործով դատապարտված 14 գեներալի
Թուրքիայի նախագահ Ռեջեփ Թայիփ Էրդողանը մայիսի 16-ին ստորագրել է փետրվարի 28-ի հեղաշրջման գործի շրջանակներում դատապարտված մի շարք գեներալներին ազատ արձակելու մասին որոշում:
Թուրքիայի «Resmi Gazete» պաշտոնաթերթում հրապարակված որոշումներին զուգահեռ նշվում է, որ գեներալների ազատ արձակման համար հիմք է հանդիսացել խրոնիկ հիվանդությունները, ծերությունը և հաշմանդամությունը:
Ներում շնորհված գեներալների թիվը 14-ն է:
Ի՞նչ էր եղել
1997թ. փետրվարի 28-ին Թուրքիայում իրականացվել էր պետական հեղաշրջում, որը հայտնի է նաև «հետմոդեռնիստական հեղաշրջում» բնորոշմամբ: 1997թ. փետրվարի 28-ին Թուրքիայի Ազգային անվտանգության խորհրդի նիստի ընդունած որոշումներով սկսված գործընթացն է: Ազգային անվտանգության խորհուրդը 9 ժամանոց նիստից հետո հրապարակեց մի շարք որոշումներ, որոնք հիմնականում նպատակ ունեին պայքարելու «հետադիմական ուժերի» դեմ:
Դրանք Թուրքիայի քաղաքական, վարչական, իրավական և հասարակական կյանքում մի շարք փոփոխությունների պատճառ դարձան: Փետրվարի 28-ի գործով դատավարությունը սկսվել է 2013 թվականի սեպտեմբերի 2-ին:
Գործով անցնում է 103 մեղադրյալ, բոլորն էլ՝ զինվորական: Հիմնական մեղադրյալը Թուրքիայի զինված ուժերի գլխավոր շտաբի նախկին պետ, բանակի գեներալ Իսմաիլ Հաքքը Քարադայըն էր:
Ուշագրավ է, որ փետրվարի 28-ի գործով հետաքննությունը սկսվել էր հեղաշրջումից շուրջ 14 տարի անց, երբ իշխող «Արդարություն և զարգացում կուսակցության» (ԱԶԿ-AKP) նախաձեռնած օրենսդրական փոփոխություններն արդեն թույլ տվեցին քրեական պատասխանատվության ենթարկել այդ հեղաշրջումը կազմակերպած զինվորականներին:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Իսրայելի կողմից իրանական ռազմավարական օբյեկտների վրա իրականացված հարձակման հետևանքով նավթի միջազգային շուկաներում գները զգալիորեն բարձրացել են։
Ֆիդանն ու շեյխ Ալ Սանին զրույցի ընթացքում քննարկել են Գազայում հրադադարի ապահովմանն ուղղված ջանքերը:
Թուրքական աղբյուրների հաղորդմամբ՝ ինտերնետի արագությունը զգալիորեն նվազել է, իսկ հեռավար կապի որոշ ծառայություններում նկատվել են խափանումներ։
Քամու առաջին էլեկտրակայանը գործարկվել է 1998 թվականին՝ Իզմիրի Չեշմե շրջանում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |