Անթալիայում կցուցադրվի 1-ին թուրք տիեզերագնացի ավազե արձանը

Հասարակական15:54, 16 Մայիս 2024

Անթալիայում կցուցադրվի 1-ին թուրք տիեզերագնացի ավազե արձանը

Թուրքիայի Լարա լողափում մեկնարկել է «Անթալյայի հողե արձանների 18-րդ փառատոնը»: Այս տարի այն այցելուներին իր դռներն է բացել «Տիեզերական արկած» խորագրով:

Փառատոնի ընթացքում ցուցադրվելիք ավազե արձաններից ուշագրավ է համարվել առաջին թուրք տիեզերագնաց Ալփեր Գեզերավջըի արձանի ցուցադրությունը:

Թուրքական մամուլում նշվում է, որ Գազերավջըի արձանը այցելուները տեսնելու են այն տեսքով, որով նա եղել է՝ տիեզերագնացի հագուստը կրելիս:

Հիշեցնենք, որ Գազերավջըի թռիչքն իրակնացվել էր հունվարի 19-ին։ Այն տևել էր շուրջ 14 օր։

Թռիչքը կատարվել էր «Axiom Space»-ի կողմից: Օգտագործվել էր «Crew Dragon» տիեզերանավը։

Տիեզերանավը բարձրացել էր ԱՄՆ-ի Ֆլորիդա նահանգի Քենեդու անվան տիեզերական կենտրոնում գտնվող «39A» արձակման համալիրից և թռչել դեպի Միջազգային տիեզերակայան։

Առաջին թուրք տիեզերագնացն ինժեներ կոնստրուկտորի կրթություն է ստացել։ Ավարտել է ԱՄՆ-ի օդուժի տեխնոլոգիական ինստիտուտը։ Նա «F-16» կործանիչի օդաչու է և 21 տարի ծառայել է Թուրքիայի ռազմաօդային ուժերում։

Աղբյուր` alanyahaber.com

Այս ենթաբաժնի վերջին նորությունները

13:28, 04 հուլ

Անիի Մայր տաճարը վերանորոգումից հետո կգործի որպես թուրքական մզկիթ

Բացարձակապես չի նշվում, որ միջնադարյան այդ քաղաքն ու եկեղեցին հայկական են։

16:58, 03 հուլ

Թուրքիայում 15 մարդ կձերբակալվի Էրդողանին վիրավորելու համար

Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:

14:43, 01 հուլ

Անկարայում կկայանա Թուրքիա-Չինաստան մեդիա ֆորումը

Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։