Թուրք դերասան․ Արաբերեն ցուցանակների փոխարեն, պետք է մտածել արաբներին իրենց երկրներ ուղարկելու մասին

Հասարակական12:32, 15 Մայիս 2024

Թուրք դերասան․ Արաբերեն ցուցանակների փոխարեն, պետք է մտածել արաբներին իրենց երկրներ ուղարկելու մասին

Թուրքիայի հանրության շրջանում հայտնի թուրք դերասան Շահան Գյոքբաքարը քննադատել է թե՛ երկրի իշխանություններին և թե՛ երկրում գլխավոր ընդդիմադիր ուժը համարվող քեմալական «Ժողովրդահանրապետական կուսակցության» (ԺՀԿ-CHP) առաջնորդ Օզգյուր Օզելին:

Մասնավորապես Գյոքբաքարը հորդորել է արաբերենով ցուցանակների մասին խոսելու փոխարեն մտածել Թուրքիա գաղթած արաբներին և սիրիացիներին իրենց հայրենիք ուղարկելու մասին:

«Եթե արաբերենով ցուցանակներ չլինեն՝ 10 մլն արաբ փախստականները վերանում են՝ ի՞նչ է: Ասենք, եթե չես տեսնում էլ՝ դարդ չե՞ս ունենում: Ցուցանակների մասին բանավիճելու փոխարեն անհրաժեշտ է խոսել այն մասին, թե ինչպես պետք է այդ արաբները վերադարձվեն իրենց երկրներ: Բայց չեն խոսում: Սա է այս երկրի և ժողովրդի ամենամեծ անարդարությունը»,-գրել է դերասանը:

Նշենք, որ ավելի վաղ ԺՀԿ-ական ՏԻՄ ղեկավարների կողմից որոշում էր կայացվել արաբերենով գրված ցուցանակներն ապամոնտաժել, իսկ անձամբ Օզելը «Սիրիացի փախստականներն ու արաբերեն ցուցանակները» խորագրով հեռուստաեթերային ծրագրի ընթացքում ասել էր.

«Ես իմ քաղաքապետերին էլ եմ զգուշացրել: Քանի որ ես խառնվել եմ այս գործին, արաբերենն արդեն ցուցանակների հետ մի՛ խառնեք: Արաբերենը Ղուրանի (Սուրբ գիրք Իսլամում) լեզուն է, ժողովուրդը կվիրավորվի»։

Աղբյուր` cumhuriyet.com,tr

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։