Ռազմական16:27, 05 Ապրիլ 2024
Թուրքիան դուրս է գալիս ԵՍԶՈՒ պայմանագրից
Ըստ ամերիկյան «Bloomberg» գործակալության՝ Թուրքիայի նախագահ Ռեջեփ Թայիփ Էրդողանը ապրիլի 8-ից կասեցնելու է Թուրքիայի պարտավորությունները Եվրոպայում սովորական զինված ուժերի մասին պայմանագրում (ԵՍԶՈւ):
«Այս քայլը Թուրքիային հավասարեցնում է ԱՄՆ-ի, Մեծ Բրիտանիայի և Գերմանիայի քայլերի հետ՝ ի պատասխան ԵՍԶՈՒ պայմանագրից Ռուսաստանի դուրս գալուն։ Այն ժամանակ Միացյալ Նահանգները հայտարարեց, որ իր որոշումը կուժեղացնի պայմանագրի զսպման և պաշտպանական կարողությունները՝ վերացնելով ռազմական գործողությունների վրա ազդող սահմանափակումները»,- գրում է «Bloomberg»-ը։
Թուրքիայի որոշումը նաև ազդարարում է ԱՄՆ-ի հետ հարաբերությունների բարելավումը՝ Ռեջեփ Թայիփ Էրդողանի և ԱՄՆ նախագահ Ջո Բայդենի՝ մայիսին Վաշինգտոնում կայանալիք հանդիպմանն ընդառաջ։ Կողմերը վերջերս բանակցություններ են վարել անվտանգության և էներգետիկ ոլորտների բարելավման, ինչպես նաև թուրքական պայթուցիկ նյութերի գնումների ավելացման ուղղությամբ՝ դրանք Ուկրաինա ուղարկելու համար։
Bloomberg-ը նշում է, որ Թուրքիան ձգտել է կապերը պահպանել ինչպես Ռուսաստանի, այնպես էլ Ուկրաինայի հետ, սակայն ժամանակի ընթացքում դա գնալով դժվարանում է։
Հիշեցնենք, որ 1990թ. նոյեմբերի 19-ին ստորագրված հիշյալ պայմանագրի նպատակն էր նվազեցնել սովորական հարձակողական սպառազինությունը ՆԱՏՕ-ի և նախկին Վարշավայի պայմանագրի երկրների կողմից: Պարտավորությունները ներառում էին սովորական սպառազինությունների հինգ կատեգորիաներ՝ տանկեր, զրահապատ մարտական մեքենաներ, հրետանի, մարտական ինքնաթիռներ և հարվածային ուղղաթիռներ:
Այս ենթաբաժնի վերջին նորությունները
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
Թուրքիայի կողմից 2019-ին ՌԴ-ից գնված, բայց գործնականում այդպես էլ չօգտագործված հակաօդային պաշտպանության համակարգերի շուրջ նոր զարգացումներ կան։
Թուրքիայի նախագահը մասնակցել է «Առաջիկա 50 տարիների հիմքերը դրվեցին», պողպատե գմբեթի մատակարարման, օբյեկտների բացման և Օղուլբեյի տեխնոլոգիական բազայի հիմնարկեքի արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Կողմերը քննարկել են Թուրքիայի պաշտպանական արդյունաբերության ներուժը, տեղական և ազգային հնարավորությունների զարգացումը։
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |