Թուրքիայի ԱԳՆ-ն արձագանքել է Իսրայելի կողմից Գազայի հիվանդանոցում իրականացված գործողություններին

Տարածաշրջան09:07, 02 Ապրիլ 2024

Թուրքիայի ԱԳՆ-ն արձագանքել է Իսրայելի կողմից Գազայի հիվանդանոցում իրականացված գործողություններին

Թուրքիայի արտգործնախարարությունը հայտարարություն է տարածել Իսրայելի կողմից Պաղեստինի Գազայի հատվածում գտնվող հիվանդանոցի ուղղությամբ իրականացված հարձակման վերաբերյալ:

«Գազայում գտնվող «Շիֆա» հիվանդանոցից մեզ հասած տեսարաններն ապացույցն են այն բանի, որ Իսրայելը կամայական և սիստեմատիկ ձևով մտադիր է բնաջնջել Պաղեստինի ժողովրդին»,-ասվել է հայտարարարության մեջ:

Բացի այդ, վերջին 6 ամսվա ընթացքում Իսրայելի կողմից իրականացված մեղքերը որակվել են որպես պատմության ընթացքում տեղի ունեցած ամենամեծ բարբարոսությունները:

«Վերջին անգամ Միացյալ ազգերի կազմակերպության անվտանգության խորհրդի ընդունած հրադադարի որոշումը և արդարադատության միջազգային դատարանի հրապարակած լրացուցիչ միջոցներն իրականացնելու համար պետք է առանց ժամանակ կորցնելու ձեռնարկել անհրաժեշտ միջոցառումները»,-նշվել է գերատեսչության հայտարարությունում:

Նշենք, որ Իսրայելը մարտի 18-ից ի վեր հիվանդանոցը պահում էր շրջափակման մեջ:

Նման քայլը հրեական պետությունը բացատրում էր նրանով, թե հիվանդանոցում ապաստանում էին իրենց կողմից ահաբեկչական ճանաչված «ՀԱՄԱՍ» խմբավորման անդամները:

Այս պահին այն լիովին ավերված է և այլևս չի կարող ծառայել որպես հիվանդանոց:

Ընդհանուր առմամբ սպանվել է ավելի քան 50 մարդ և ձերբակալվել շուրջ 200-ը: Սպանվածների թվում եղել են նաև քաղաքացիական անձինք:

Աղբյուր` trthaber.com

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։