Ռազմական11:50, 27 Մարտ 2024
Թուրք պաշտոնյան նշել է, թե երբ է Թուրքիան պատրաստավում Իրաքում ռազմագործողություն իրականացնել
Լոնդոնում արաբերենով լույս տեսնող «Asharq Al-Awsat» թերթին հարցազրույց տված թուրք պաշտոնյան, ում անունը չի հիշատակվում, խոսել է Իրաքում Թուրքիայի ռազմական գործողությունների մասին։ Նա նշել է, թե Թուրքիան երբ է պատրաստվում սկսել այդ գործողությունները։
Միջանկյալ նշենք, որ Թուրքիան «Քուրդիստանի բանվորական կուսակցությանը» (PKK-ՔԲԿ) որակում է որպես ահաբեկչական կազմակերպություն։ Սպասվող ռազմական գործողության վերաբերյալ թերթին տեղեկություն փոխանցած պաշտոնյան նշել է, որ Թուրքիան Իրաքում ծրագրում է «ոչնչացնել» PKK-ի անդամներին։
Նա նշել է, որ «Անկարայի ծրագրի» մի մասն է պատրաստվել պատերազմից հետո տեղի ունեցող փոփոխություններին և լինել վճռական՝ զրոյացնելու անվտանգային խնդիրները տարածաշրջանում, մասնավորապես Իրաքում։
Նշենք, որ վերջին շրջանում Թուրքիայի և Իրաքի միջև անվտանգության հարցերի շուրջ կայացել են մի շարք այցեր և հանդիպումներ։ Իրաքյան մեկ այլ աղբյուրի նշմամբ, երբ սկսվել էին պաշտոնական խորհրդակցությունները «ամեն ինչ պատրաստ էր․ այդ թվում զրոյական ժամը»: Այդ պլանը երկու երկրների միջև աննախադեպ համարելով՝ աղբյուրը հավելել է, որ իրանամետ «Հաշդ ալ-Շաաբին» կազմակերպությունը ներկա կլինի որոշ շրջաններում՝ աջակցություն ցուցաբերելու համար։
Թուրք պաշտոնյան նշել է, որ Թուրքիայի արտաքին գործերի նախարարությունը և անվտանգության ծառայությունները մոտ 5 ամիս առաջ ծրագիր են պատրաստել, որը ներառում է Անկարայի հետպատերազմյան տարբերակները և այն, թե ինչպես է վարվելու սպասվող փոփոխությունների հետ և այդտեղ «Իրաքն ու Սիրիան այդ պատկերի մի մասն են» կազմում։
Թուրք պաշտոնյան հերքել է այն մեկնաբանությունները, թե Իրաքում Թուրքիայի ռազմական գործողություններն ուղղակիորեն կապված են Գազայում տիրող իրավիճակի հետ և նշել է, որ գործողությունները կարող են սկսվել հունիսին։
Ըստ պաշտոնյայի՝ Թուրքիայի նախագահ Ռեջեփ Թայիփ Էրդողանն ապրիլին կմեկնի Բաղդադ, որտեղ նախատեսված է, որ կստորագրվի համատեղ գործողությունների հրամանատարական կենտրոնի և բուֆերային գոտու ստեղծման մասին համաձայնագիր։
Իրանամետ «Հաշդ ալ-Շաաբի» կազմակերպությունը Թուրքիայի հետ համաձայնագիրը կհամարի իր հզորությունը Իրաքի, Իրանի և Թուրքիայի ռազմավարական շրջաններում և Թուրքիայի բուֆերային գոտին կօգտագործեն նաև Սիրիայի մոտ տեղակայված իրանական խմբավորումները։
Այս ամենի վերաբերյալ Բաղդադի դիվանագիտական և քաղաքական աղբյուրները նշել են, որ ամեն ինչ կընթանա ըստ պլանի, եթե Թեհրանը վճռական պահին հանդես չգա անսպասելի խաղաքարտով։
Այս ենթաբաժնի վերջին նորությունները
Այն բացվել էր 2021-ի հունվարի 30-ին։ Կենրոնում ծառայում էին 60 ռուս և 60 թուրք զինվոր։
2022-ի համեմատ 2023-ին Թուրքիայի ռազմական ծախսերն այն աճել են 37%-ով՝ հասնելով 15.8 միլիարդ դոլարի։
Առաջիկայում սպասվում է Էրդողանի այցն Իրաք, որտեղ քննարկվելու է քուրդ զինյալների դեմ ցամաքային գործողություններըի հարցը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |