Տարածաշրջան10:56, 21 Մարտ 2024
Թուրքիան և Իրաքը համատեղ կպայքարեն PKK-ի դեմ
Թուրքիայի պաշտպանության նախարար Յաշար Գյուլերը մարտի 20-ին Քահրամանմարաշի նահանգապետի հետ հանդիպումից հետո այցելել է իշխող «Արդարություն և զարգացում» կուսակցության (ԱԶԿ) ընտրատեղամաս, ապա պատասխանել լրագրողների հարցերին:
Գյուլերը պնդել է, որ Թուրքիայի մեծատեմպ զարգացումն անհանգստություն է պատճառում որոշ շրջանակների, որոնք էլ այդ գործընթացը խոչընդոտելու նպատակով օգտագործում են ահաբեկչությունը:
«Մենք 40 տարի է, ինչ պայքարում ենք PKK-ի դեմ (Թուրքիայի կողմից ահաբեկչական ճանաչված «Քուրդիստանի բանվորական կուսակցություն»/ՔԲԿ), սակայն 40 տարի Իրաքի իշխանությունները ոչ կարողանում էին նրանց կոչել ահաբեկչական կազմակերպություն, ոչ էլ կարողանում էին արգելել նրանց գործունեությունը: Իրենց երկրում նման կազմակերպություն գոյություն ունի, որը սակայն նրանց շատ չի անհանգստացնում»,-հավելել է նա:
Ապա նաև, անդրադառնալով 2023-ի դեկտեմբերին Անկարայում Իրաքի ներկայացուցիչների հետ ունեցած հանդիպմանը, ընդգծել է, որ այդ հարցին մեծ ուշադրություն է դարձվել:
«Իսկ երբ գնացինք Բաղդադ, Իրաքի իշխանություններն առաջին անգամ արգելեցին և նրանց ընդունեցին որպես ահաբեկչական կազմակերպություն: Սա մեր կողմից մեծ հավանության արժանացած բան է»,- ասել է նա:
Գյուլերը նաև հույս է հայտնել, որ ապագայում Իրաքի հետ միասին աշխատանքներ կտանեն այս ուղղությամբ և հայտարարել, որ Թուրքիա-Իրաք համատեղ գործողությունների կենտրոն են հիմնելու:
Այս ենթաբաժնի վերջին նորությունները
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Սեյեդ Աբբաս Մուսավի. «Ադրբեջանն ուզում էր բաց ճանապարհ՝ առանց հայկական վերահսկողության, ինչը, բնականաբար, անընդունելի էր»։
Ըստ Քուրթուլմուշի՝ անկասկած է, որ Ադրբեջանի և Հայաստանի միջև կարգավորումը միևնույն ժամանակ վերջ է դրել ԵԱՀԿ Մինսկի խմբի գործունեությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Թուրքիայի վիճակագրական կոմիտեն հրապարակել է «Սոցիալ-տնտեսական մակարդակ» ուսումնասիրության արդյունքները։
Հոդվածում անդրադարձ կա ռուս-ուկրիանական համակարտությանը և Ռուսաստան-Ադրբեջան հարաբերությունների ներկայիս փուլին։
Թուրքիայի վիճակագրական ինստիտուտը բնակչության սոցիալական պատկերի վերաբերյալ տվյալներ է հրապարակել։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |