Թուրքական մամուլին բարկացրել է ֆրանսիական դասագրքերում քուրդ զինյալների մասին հիշատակումը

Գիտակրթական17:07, 15 Փետրվար 2024

Թուրքական մամուլին բարկացրել է ֆրանսիական դասագրքերում քուրդ զինյալների մասին հիշատակումը

Թուրքական ազգայնական ուղղվածության լրատվամիջոցների ուշադրության կենտրոնում է հայտնվել 2021-2022թթ ուսումնական տարվա Ֆրանսիայի աշխարհագրության և պատմության դասագիրքը, որտեղ հիշատակվում է Իրաքյան Քուրդիստանի «Փեշմերգե» զորաջոկատների ու Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK) մասին։

Դասագրքում նշվում է, որ այդ երկու կազմակերպությունները պայքարում են տարածաշրջանում գործող մի շարք ահաբեկչական կառույցների դեմ և այդ առումով նրանց դերը կարևոր է։ Նշվում է, նաև որ քրդերը տարածաշրջանում ապրող ժողովուրդ են, որոնք չունեն պետություն։

Բացի այդ դասագրքում քննադատության են ենթարկվում Թուրքիայի զինված ուժերի ու նրանց աջակցությունը վայելող Սիրիայի ընդդիմադիր խմբավորումների կողմից քրդական ուժերի դեմ իրականացված «Ձիթենու ճյուղ» և «Խաղաղության ակունք» ռազմական գործողությունները, որոնց հետևանքով քրդական ուժերի վերահսկողությունից դուրս է մնացել Սիրիայի հյուսիսի մի մասը։

Շեշտվում է, որ այդ ռազմական օպերացիաները Թուրքիան իրականացրել է ԱՄՆ նախկին նախագահ Դոնալդ Թրամփի «կանաչ լույսի» ներքո։

Աղբյուր` www.qha.com.tr

Այս ենթաբաժնի վերջին նորությունները

11:29, 15 սեպ

Թուրքիայի հայկական դպրոցներում աշակերտների թիվը նվազում է

Թուրքիայի հայկական դպրոցներն ու վարժարանները գործում են բացառապես Ստամբուլ քաղաքում։

11:10, 05 սեպ

Թուրքիան ու Վրաստանը կնքել են համագործակցության հուշագիր

Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։