Յանս Ստոլտենբերգ․ «Ուկրաինային օգնելու հարցում Թուրքիան օրինակելի է»

Ռազմական11:41, 08 Փետրվար 2024

Յանս Ստոլտենբերգ․ «Ուկրաինային օգնելու հարցում Թուրքիան օրինակելի է»

ՆԱՏՕ-ի գլխավոր քարտուղար Յանս Ստոլտենբերգը Բելգիայի մայրաքաղաք Բրյուսելում հանդիպել է ՆԱՏՕ-ի անդամ երկրների ազգային անվտանգության խորհրդականների հետ։

Ստոլտենբերգը ՆԱՏՕ-ի դաշնակիցների՝ Ուկրաինային սպառազինություն և զինամթերք տրամադրրելու մասին արած հայտարարության մեջ մատնացույց է արել Թուրքիային և բարձր գնահատել Ուկրաինային տրամադրվող օգնությունը։

Նա մասնավորապես նշել է, որ Թուրքիայի անօդաչու թռչող սարքերը՝ «բայրաքթարները», Ուկրաինային տրամադրվել են ռուս-ուկրաինական հակամարտությունից առաջ, իսկ այժմ անօդաչու թռչող սարքեր արտադրելու համար Ուկրաինայում կառուցվում է գործարան։

Ստոլտենբերգը դա օրինակ է համարել ՆԱՏՕ-ի անդամների համար, որոնք Ուկրաինային աջակցում են սպառազինության և զինամթերքի մատակարարմամբ։ Եվ դրա հետ մեկտեղ ներդրումներ են անում սեփական զենք արտադրելու կարողությունները մեծացնելու համար։

«Մենք պետք է գիտակցենք, որ Ուկրաինայի պատերազմը դժվար է, քանի որ առաջին համաշխարհայինի խրամատային պատերազմի և 21-րդ դարի անօդաչու թռչող սարքերի և ժամանակակից տեխնոլոգիաների համադրություն է։ Մենք Ուկրաինային ցուցաբերած մեր օգնությամբ աշխատում ենք ամբողջովին հաղթահարել այս դժվարությունները»,-հայտարարել է ՆԱՏՕ գլխավոր քարտուղարը։

Աղբյուր` duzcetv.com