ERMENI HABER AJANSI

Թուրք վերլուծաբան Մեհմեդ Քանջըն թուրքական պետական «Anadolu» լրատվական գործակալության համար վերլուծություն է հրապարակել։ Այն վերաբերել է ԱՄՆ պետքարտուղար Էնթոնի Բլինքենի Անկարա կատարած այցին և այդ ընթացքում Թուրքիայի արտգործնախարար Հաքան Ֆիդանի հետ ունեցած հանդիպմանը:

«Բլինքենի այցը Թուրքիա: ԱՄՆ-ն համակերպվու՞մ է իրողությունների հետ» հարցադրում վերնագրով վերլուծության մեջ լրագրողը հիմնականում անդրադարձել է Պաղեստինի Գազայի հատվածում տիրող իրավիճակի համատեքստում Թուրքիայի և ԱՄՆ-ի հարաբերություններին:

Նա նշել է, որ ԱՄՆ-ն ստիպված է եղել Իսրայելին աջակցելու իր քաղաքականությունը փոխել, ինչը փաստել է Բլինքենի Ստամբուլ ժամանելուն պես ԱՄՆ արտգործնախարարության խոսնակ Մեթյու Միլլերի սոցիալական ցանցում կատարած գրառումը:

Մեթյուն մասնավորապես ընդգծել էր, որ Թուրքիան Հյուսիսատլանտյան դաշինքի (ՆԱՏՕ) կարևոր դաշնակից է, ինչպես նաև այն, որ այդ երկիրը մեծ դեր ունի թե Գազայում ընթացող բախումների աշխարհագրության ընդլայնումը կանխելու և թե տարածաշրջանային անվտանգային խդիրները լուծելու հարցում:

Քանջըն նշել է, որ Բլինքենի այցը կարելի է վերլուծել՝ այն բաժանելով 3 մասի:

Դրանցից առաջինը Իսրայելի կողմից Գազայի ուղղությամբ իրականացվող հարձակումների հետևանքով առաջացած իրավիճակն է:

Երկրորդը F-16-երի գնման և արդիականացման ծրագիրն է, Ադրբեջան-Հայաստան բանակցությունները, Իրաքին ու Սիրիային վերաբերող հարցերը և Թուրքիա-ԱՄՆ հարաբերությունները:

Իսկ երրորդը Ռուսաստան-Ուկրաինա պատերազմի տեսանկյունից տարածաշրջանին Ռուսաստանի դեմ տրամադրելու գործընթացը, ինչի շրջանակներում է Շվեդիայի անդամակցության, ինչպես նաև միջազգային շուկաներ ուկրաինական հացահատիկի արտահանման հարցը:

Նա համոզմունք է հայտնել նաև, որ ԱՄՆ-ը մտահոգվում է Գազայում ընթացող պատերազմի՝ մասնավորապես դեպի Լիբանան հնարավոր ընդարձակմամբ:

Լրագրողի վերլուծության և գնահատականների հիման վրա թուրքական մեդիայում շրջանառվում է այն միտքը, որ Բլինքենին հանգամանքներն են ստիպել այցելել Թուրքիա: