Քաղաքական10:41, 20 Դեկտեմբեր 2023
Քուրդ զինյալների դեմ պայքարը Թուրքիայի և Իրաքի արտգործնախարարների հանդիպման օրակարգում
Դեկտեմբերի 19-ին Անկարայում հանդիպել են Թուրքիայի արտգործնախարար Հաքան Ֆիդանը և Իրաքի արտաքին քաղաքական գերատեսչության ղեկավար Ֆուադ Հուսեյնը։
Նախարարները երկու երկրների միջև բարձր մակարդակի զինվորական ղեկավարության հետ ունեցած հանդիպումներից հետո համատեղ հայտարարություն են տարածել։
Հայտարարությունը վերաբերել է ահաբեկչության դեմ պայքարի, տարածաշրջանային հարցերի, մասնավորապես, անվտանգության և ջրային շրջանների շուրջ տեղի ունեցած բանակցությունների արդյունքներին։
«Կողմերը այս բանակցությունների արդյունքում հավատարիմ են մնացել էլ ավելի առաջընթաց գրանցել երկու երկրների միջև առկա հարաբերությունները յուրաքանչյուր ոլորտում և շարժվել համապարփակ ու ինստիտուցիոնալ ճանապարահով։ Այս ուղղությամբ ընդգծվել է կողմերի համատեղ ուժեղ քաղաքական կամքը»։
Նշենք, որ հանդիպումների ընթացքում մասնավորապես ահաբեկչության դեմ պայքարի համատեքստում քննարկումներ են եղել նաև կոնկրետ Թուրքիայի կողմից ահաբեկչական ճանաչված «Քուրդիստանի բանվորական կուսակցության» (ՔԲԿ-PKK) դեմ պայքարին վերաբերող հարցեր։
«Կողմերը երկու երկրների միջև անվտանգային համագործակցության շրջանակներում քննարկել են ՔԲԿ-ի կողմից ձևավորվող սպառնալիքները»։
Հայտարարության մեջ նշվել է նաև, որ հանդիպումների ընթացքում կողմերը մտքեր են փոխանակել «Զարգացման ճանապարհ» նախագծի և դրա կյանքի կոչման համար անհրաժեշտ քայլերի շուրջ։
Վերոնշյալ նախագծով Իրաքից Թուրքիա հասնող երկաթուղային և ցամաքային կապուղին Ստամբուլի Բողազիչի շրջանով Ասիան տեսականորեն պետք է կապի Եվրոպայի հետ:
Այս ենթաբաժնի վերջին նորությունները
Հանդիպման օրակարգում են լինելու Թուրքիայի՝ Եվորպական միությանն անդամակցելու գործընթացին վերաբերող հարցեր:
Մայիսի 5-ին Թոմաս Բարաքն Անկարայի Էսենբողա օդանավակայանում զրուցել է լրագրողների հետ:
«Ես չեմ տեսնում ոչ մի նշան, որ իրավիճակը կգնա դեպի լավը»,- հավելել է Էքրեմ Բաքին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:
Թուրքական մամուլում որպես պատճառ նշվում է իրանական նավթի ներկրումը:
Հարձակումն կատարած անձը ձերբակալվել է: Դեպքի հանգամանքները պարզվում են:
Ինչպես հայտնում են ոլորտի մասնագետներն ու գիտնականները, այն երկիր մոլորակի մակերևույթին կհասնի մայիսի 8-ից 14-ն ընկած ժամանակահատվածում:
JINSA-ի զեկույցում ընդգծվել է, որ Թուրքիան կործանիչների ձեռքբերման տեսանկյունից վստահելի չէ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |