Թուրքիայում մրցավարի քիթ են կոտրել խաղի ժամանակ (Տեսանյութ)

Մարզական16:46, 20 Դեկտեմբեր 2023

Թուրքիայում մրցավարի քիթ են կոտրել խաղի ժամանակ (Տեսանյութ)

Թուրքիայի հարավ-արևելքում գտնվող Շըրնաք նահանգում ֆուտբոլային խաղի ժամանակ կոտրել են մրցավարի քիթը։ Միջադեպը տեղի է ունեցել սիրողական լիգայի առաջին խմբի «Քումչաթըսպոր-ՋիզրեԴիջլեսպոր» խաղից հետո։ Թուրքական ակումբի ղկավարությունը խիստ դժգոհ է եղել խաղի մրցավարությունից։

Թուրքիայի ֆուտբոլի ֆեդերացիայի կարգապահական խորհուրդը ուսումնասիրում է դեպքի մանրամասները։

Նշվում է, որ վերջին շրջանում սա 2-րդ նմանատիպ դեպքն է։ Նախորդ միջադեպը տեղի էր ունեցել մայրաքաղաք Անկարայում։ Թուրքիայի Սուպերլիգայի մրցաշարի շրջանակներում թուրքական «Անքարագյուջուն» ընդունել էր «Ռիզեսփորին»։

Հանդիպման ավարտին՝ 97-րդ րոպեին, «Ռիզեսփորը» գոլ է խփել և հավասարեցրել հաշիվը։ Հանդիպումն ավարտվել է 1։1 հաշվով։ Եզրափակիչ սուլիչից անմիջապես հետո Անկարայի ֆուտբոլային ակումբի նախագահ Ֆարուք Քոչան դաշտ է մտել և հարվածել մրցավար Հալիլ Ումուտ Մելերի դեմքին։ Ակումբի նախագահի հետ դաշտ մտած ևս երկու հոգի, ինչպես նաև երկրպագուներ սկսել են ոտքերով հարվածել գետնին ընկած մրցավարին։