Թյուրքական պետությունների համատեղ ներդրումային ֆոնդ կձևավորվի

Տնտեսական11:55, 13 Դեկտեմբեր 2023

Թյուրքական պետությունների համատեղ ներդրումային ֆոնդ կձևավորվի

Դեկտեմբերի 13-ին Թուրքիայի «Resmi Gazete» պաշտոնաթերթի լույս տեսած համարի համաձայն՝ Թուրքիայի նախագահ Ռեջեփ Թայիփ Էրդողանի ստորագրությամբ հաստատվել է «Թյուրքական ներդրումների ֆոնդ»-ի ստեղծման շուրջ ձեռք բերված համաձայնությունը:

Ֆոնդի ստեղծման մասով համաձայնություն էր ձեռք բերել 5 պետություն. Թուրքիան, Թուրքմենստանը, Ղազախստանը, Ադրբեջանը և Ուզբեկստանը:

Ստեղծվելիք ֆոնդի ընդհանուր բյուջեն ձևավորվելու է հիշյալ 5 պետության կողմից՝ հասնելով մինչև 500 մլն դոլարի:

Բացի այդ, ձևավորվելու է 10.000 բաժնետոմս, որոնք էլ իրենց հերթին հավասարապես (յուրաքանչյուրին 2000-ական բաժնետոմս-խմբ.) բաժանվելու են անդամ երկրների միջև:

Հիշեցնենք, որ ֆոնդի ձևավորման շուրջ համաձայնագիրը ստորագրվել էր 2023-ի մարտի 16ին Թուրքիայի մայրաքաղաք Անկարայում տեղի ունեցած «Թյուրքական պետությունների կազմակերպության» (TDT) հրատապ գագաթնաժողովի շրջանակներում:

Աղբյուր` sozcu.com.tr

Այս ենթաբաժնի վերջին նորությունները

15:13, 08 մայ

Թուրքիան Սոմալիում 20 մլրդ բարել նավթային պաշար է հայտնաբերել

Ըստ Սոմալիի և Թուրքիայի միջև կնքված նավթային ոլորտի համագործակցության համաձայնագրի՝ ստացված եկամուտների 30 տոկոսը պատկանում է թուրքական կողմին։

12:56, 08 մայ

Քննարկվել է Թուրքիա-Վրաստան առևտրային համագործակցությանը վերաբերող հարցեր

Թուրքիայի Ռիզե նահանգի փոխնահանգապետն ընդունել է Բաթումիում Թուրքիայի գլխավոր հյուպատոսի և Աջարիայի առևտրաարդյունաբերական պալատի նախագահի պատվիրակությանը։