Օզել. «Հրանտ Դինքին սպանողը Օգյուն Սամասթն է, բայց միայն այն անձը, ով ձգանն է քաշել»

Քաղաքական15:54, 17 Նոյեմբեր 2023

Օզել. «Հրանտ Դինքին սպանողը Օգյուն Սամասթն է, բայց միայն այն անձը, ով ձգանն է քաշել»

Թուրքիայում գլխավոր ընդդիմադիր ուժ համարվող «Ժողովրդահանրապետական» կուսակցության (CHP) նորընտիր նախագահ Օզգյուր Օզելն անդրադարձել է նոյեմբերի 16-ին, Թուրքիայում հրապարակվող «Ակոս» շաբաթաթերթի գլխավոր խմբագիր Հրանտ Դինքի մարդասպանի ազատ արձակմանը:

Թուրքական «Halk TV»-ի եթերում Օզելը նշելով, որ ցավում է տեղի ունեցածի համար, Օգյունին անվանել է «ձգանը քաշող» և «աղավնու մարդասպան», իսկ Դինքին «աղավնի»:

«Հրանտ Դինքին սպանողը Օգյուն Սամասթն է, բայց միայն այն անձը, ով ձգանն է քաշել: Ձգանը քաշել տվողները մեզ ասում են՝ «մենք այստեղ ենք, նույնիսկ մեր մարդասպանին ենք պաշտպանում»: Օգյուն Սամասթը աղավնու մարդասպան է: Դինքն ասում էր, որ այս երկիրը աղավնիներին չի խփի, բայց խփեց»,-ասել է նա:

Բացի այդ, ընդդիմադիր կուսակցության առաջնորդը դիմել է թուրք ժողովրդին.

«Ոչ ոք թո՛ղ չվախենա, երբ մենք ասում էինք, որ բոլորս Հրանտ ենք, իզուր չէինք ասում: Մենք սպանությամբ չենք վերջանա (իրենց որքան էլ սպանեն, նրանք կշարունակեն գոյություն ունենալ-խմբ.): Այսուհետ թո՛ղ այդ խորքային կառույցը իմանա, որ մենք նրանց ծոծրակին ենք: Այսուհետ ոչ թե իրենք մեզնով, այլ մենք ենք նրանցով զբաղվելու: Եթե օրը գա ու ես այս պետության մեջ աղավինենրին սպանողներին և այդ մարդասպանի մեջքը շոյողին ու ազատ արձակողին հանգիստ չտամ, ուրեմն պատվազուրկ եմ»:

Աղբյուր` kronos36.com.news

Այս ենթաբաժնի վերջին նորությունները

10:59, 15 մայ

Էրդողանն ընդունել է Անկարայում ԱՄՆ նորանշանակ դեսպանին

Թուրքիայի նախագահը «Գյուղատնտեսության և անտառատնտեսության խորհրդի 4-րդ ամփոփիչ հռչակագրի» միջոցառման շրջանակներում կարճատև զրույց է ունեցել Թոմաս Բարաքի հետ: