Թուրքիան և Հունաստանը քննարկել են Էգեյան ծովում առկա լարվածությունը

Քաղաքական16:20, 16 Նոյեմբեր 2023

Թուրքիան և Հունաստանը քննարկել են Էգեյան ծովում առկա լարվածությունը

Նոյեմբերի 16-ին Թուրքիայի խորհրդարանի բյուջետային պլանավորման հանձնաժողովում մեկնարկել են 2024-ի բյուջեի շրջանակներում Թուրքիայի պաշտպանության նախարարության բյուջեի վերաբերյալ քննարկումները:

Թուրքիայի պաշտպանության նախարար Յաշար Գյուլերը քննարկումների ընթացքում անդրադարձել է Հունաստանի և Թուրքիայի պատվիրակությունների միջև նոյեմբերի 15-ին տեղի ունեցած հանդիպմանը: Նշել է, որ երկու երկրների միջև վստահության բարձրացման միջոցառումների շրջանակներում իրականացված հերթական հանդիպումը դրական մտնոլորտում է անցել:

Գյուլերի հաղորդմամբ՝ հիմնականում քննարկվել են Էգեյան ծովում առկա լարվածության վերաբերյալ հարցեր:

Թուրքիայի պաշտպանական գերատեսչության ղեկավարը նաև տվյալներ է տրամադրել Սիրիայի և Իրաքի հյուսիսում իրենց կողմից ահաբեկչական ճանաչված խմբավորումների դեմ իրականացվող ռազմագործողությունների վերաբերյալ:

Ըտս այդմ՝ ընդհանուր առմամբ իրականացվել է 39.211 ռազմագործողություն, իսկ 2023-ի տարեսկզբից ի վեր իրականացված գործողությունների հետևանքով սպանվել է խմբավորումների 868 անդամ:

Աղբյուր` anadolugazete.com.tr

Այս ենթաբաժնի վերջին նորությունները

16:15, 05 հուն

Թուրքիան ընտրվել է ՄԱԿ տնտեսական և սոցիալական խորհրդի անդամ

Նորընտիր անդամները պաշտոնը կստանձնեն 2026 թվականի հունվարի 1-ից։

15:18, 05 հուն

Փաշինյանը հեռախոսազրույց է ունեցել Էրդողանի հետ

Զրուցակիցները քննարկել են Հայաստան–Թուրքիա հարաբերություններին և տարածաշրջանային զարգացումներին վերաբերող հարցեր, պայմանավորվել շարունակել երկխոսությունը։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։