Էրդողան. «ՀԱՄԱՍ-ն ահաբեկչական խմբավորում չէ»

Քաղաքական16:34, 25 Հոկտեմբեր 2023

Էրդողան. «ՀԱՄԱՍ-ն ահաբեկչական խմբավորում չէ»

Թուրքիայում իշխող «Արդարություն և զարգացում» կուսակցության (ԱԶԿ-AKP) խմբային ժողովում նախագահ Ռեջեփ Թայիփ Էրդողանն անդրադարձել պաղեստինա-իսրայելական հակամարտության վերջին սրացումներին:

Էրդողանը նշել է, որ չեղարկել է Իսրայել իր այցը, ապա հավելել, որ Պաղեստինի նկատմամբ Իսրայելն իրեն «խմբավորման» պես է պահում:

«Իսրայել պետության հետ մենք խնդիր չունենք, սակայն Իսրայելի ցուցաբերած դաժանությունը ոչ պետական, այլ խմբավորման նման գործելաոճ է, որը չենք ընդունել և չենք ընդունելու»,-ասել է նա:

Էրդողանը շարունակելով Իսրայելին ուղղված քննադատական խոսքերը, փաստացի արդարացրել է Պաղեստինի Գազայի հատվածում իշխող «ՀԱՄԱՍ» խմբավորման գործողությունները:

«Է՜յ Իսրայել, դու կարող ես լինել խմբավորում, քանի որ Արևմուտքը քեզ շատ բան է պարտք, բայց Թուրքիան քեզ պարտք չէ: Արևմուտքը ՀԱՄԱՍ-ին դիտարկում է որպես ահաբեկչական կազմարեպություն: ՀԱՄԱՍ-ն ահաբեկչական կազմակերպություն չէ, այն ազատագրական և մոջահեդներից (Իսլամում սրբազան պատերազմի մարտիկներ) բաղկացած խումբ է, որը փորձում է պաշտպանել իր հողերը»:

Հիշեցնենք, որ «ՀԱՄԱՍ»-ը հոկտեմբերի 7-ին լայնամասշտաբ ռազմական գործողություններ էր սկսել Իսրայելի ուղղությամբ, որին ի պատասխան Իսրայելը մինչ օրս հրթիռահրետանային հարվածներ է հասցնում Գազային:

Թուրքիան հակամարտության սրման առաջին իսկ օրերից դատապարտել է Իսրայելի կողմից կատարվող գործողությունները՝ նշելով, որ դրանց զոհ են գնում հազարավոր քաղաքացիական անձինք:

Թուրքիայի հակահրեական հռետորաբանությունն էլ ավելի սաստկացավ հոկտեմբերի 17-ին՝ Իսրայելի կողմից «el-Ehli Baptist» հիվանդանաոցի հրետակոծումից հետո, ինչին զոհ գնաց ավելի քան 800 պաղեստինցի:

Աղբյուր` bbc.com

Այս ենթաբաժնի վերջին նորությունները

17:23, 30 հուն

Թուրքիայի նախագահը մեկնելու է Լեռնային Ղարաբաղ

Էրդողանը պիտի մասնակցի «Տնտեսական համագործակցության կազմակերպության» (ECO) անդամ երկրների 17-րդ գագաթնաժողովին։

13:02, 30 հուն

Մեծ Բրիտանիայի արտգործնախարարը կմեկնի Թուրքիա

Աղբյուրն ընդգծում է, որ Մեծ Բրիտանիայում բնակվում է մոտ կես միլիոն թուրք։

14:39, 27 հուն

Թուրքիայի առևտրի նախարարը հանդիպել է ՌԴ փոխվարչապետի հետ

Կողմերը քննարկել են առևտրաշրջանառության ծավալը հասցնել 100 մլրդ դոլարի և մտքեր են փոխանակել առաջիկա ժամանակահատվածում իրականացվելիք նախագծերի վերաբերյալ։