Ֆիդան. «Իսրայելը վրեժխնդիր քայլերի հետևից է ընկել»

Քաղաքական12:37, 18 Հոկտեմբեր 2023

Ֆիդան. «Իսրայելը վրեժխնդիր քայլերի հետևից է ընկել»

Թուրքիայի արտգործնախարար Հաքան Ֆիդանը հոկտեմբերի 17-ին գերատեսչության շենքում հանդիպել է տարբեր լրատվականների Անկարայի ներկայացուցիչների հետ:

Ֆիդանը հանդիպման ընթացքում անդրադարձել է Թուրքիայի և տարածաշրջանի համար մի շարք առանցքային նշանակություն ունեցող հարցերի:

Նախ գերատեսչության ղեկավարը խոսել է պաղեստինա-իսրայելական հակամարտությունից, նշելով, որ Իսրայելը վրեժխնդիր քայլեր է իրականացնում և հակամարտության սրմանը հնարավորինս շուտ վերջ տալու նպատակով պետք է անհապաղ քայլեր ձեռնարկվեն:

«Իսրայելը զգացումունքային և վրեժխնդիր քայլերի հետևից է ընկել: Դրանք կարող են դառնալ քայլեր, որոնք տարածաշրջանում թե՛ իրենց և թե՛ տարածաշրջանի համար մեծ աղետների առաջ ճանապարհ կարող են հարթել: Այդ իսկ պատճառով մենք պարտավոր ենք ամենաճիշտ խորհուրդը տալ:

Իսրայելում «պատերազմ» աղաղակողները» ասում են. նախ թո՛ղ ոչ ոք ինձ չխանգարի: Պետք լինի ինտենսիվ կգործենք Գազայի ուղղությամբ, դրանից հետո հարկ եղած դեպքում «Հեզբոլլահի», ապա նաև Իրանի հետ կպատերազմենք»:

Ֆիդանն անդրադարձել է ԱՄՆ-ի կողմից հիշյալ հակամարտության մեջ Իսրայելին աջակցելու քաղաքականությանը և հիշատակել, որ օրերս ԱՄՆ-ն Իսրայելին ավիակիր ռազմանավ և ռազմամթերք է ուղարկել:

Ֆիդանը ուշադրություն է հրավիրել այն փաստի վրա, որ ԱՄՆ-ի հեղինակությունը տարածշրջանում տուժել է:

«Երկու պետություն ֆորմատով լուծմանը արևմուտքն ասում է ոչ»,-ասել է Ֆիդանը և նշել, որ Թուրքիան կողմ է դրան:

Թուրքիայի արտգործնախարարն անդրադարձել է նաև իրենց կողմից ահաբեկչական ճանաչված խմբավորումների դեմ պայքարի շարունակական լինելու մասին և ընդգծել, որ ոչ մի պատժամիջոց և վերաբերմունք չի կարող ազդեցություն ունենալ դրա վրա:

«Այդ տարածաշրջանում եղել են ժամանակներ, երբ խնդիր ունեինք ռուսների հետ: Որոշ բաներ կան, որ մեզ համար կարմիր գիծ է: Այս ամենը չեն կարող խոչընդոտել ահաբեկչության դեմ մեր պայքարի վճռականությանն ու անհրաժեշտ գործողությունների (օպերացիա) իրականացմանը»:

Ֆիդանը շեշտել է նաև, որ այդ համատեքստում ԱՄՆ-ն իրենց պետք է աջակցի, քանի որ Թուրքիան Հյուսիսատլանտյան դաշինքի (ՆԱՏՕ) անդամ է:

Հիշեցնենք, որ Գազայի հատվածում իշխող «ՀԱՄԱՍ» խմբավորումը հոկտեմբերի 7-ին էր լայնամասշտաբ հարձակման անցել Իսրայելի ուղղությամբ: Ինչից հետո հայտարարվել էր երկուստեք ռազմագործողության իրականացման մասին:

Այժմ Իսրայելը պատրաստվում է իրականացնել ցամաքային ռազմագործողություն, ինչի համար հորդորել էր Գազայի բնակչությանը հյուսիսից տեղափոխվել քաղաքի հարավային շրջաններ:

Բախումների հետևանքով Իսրայելը հայտնում է 1400-ից, իսկ Պաղեստինը 2800-ից ավելի մարդու մահվան մասին: Վիրավորների ընդհանուր թիվը կազմում է շուրջ 12.000, որից շուրջ 10.500-ը վիրավորվել են Պաղեստինում:

Աղբյուր` trthaber.com