Թուրքիան դատապարտել է Իսրայելի՝ Գազայի հիվանդանոցի ուղղությամբ իրականացրած հարձակումը

Քաղաքական13:24, 18 Հոկտեմբեր 2023

Թուրքիան դատապարտել է Իսրայելի՝ Գազայի հիվանդանոցի ուղղությամբ իրականացրած հարձակումը

Թուրքիայի արտգործնախարարությունը և երկրի մի շարք պաշտոնատար անձինք խստորեն դատապարտել են Իսրայելի կողմից Պաղեստինի Գազայի շրջանում գտնվող «el-Ehli Baptist» հիվանդանոցի հրթիռակոծումը:

Թուրքիայի արտաքին գերատեսչության տարածած հաղորդագրության մեջ Իսրայելի կողմից Պաղեստինի ուղղությամբ իրականացված հարձակումները որակվել են բարբարոսական, իսկ խիստ քննադատությունների կողքին նշվել է, որ քաղաքացիական անձանց նկատմամբ նման մտածելակերպը պետք է անխուսափելիորեն պատասխանատվության ենթարկվի:

Թուրքիայի պաշտպանական գերատեսչության ղեկավար Յաշար Գյուլերը դատապարտելով Իսրայելի կողմից իրականացված հարձակումը, այն որակել է անմեղ մարդկանց «մորթելու գործողություն», որը խոսում է հումանիզմի վերացման մասին:

«Իսրայելի ղեկավարությունը պետք է անհապաղ վերջ տա՛ քաղաքացիական անձանց, կանանց և երեխաների ուղղությամբ իրականացվող հարձակումներին»,-ասել է նա:

Թուրքիայի նախագահ Ռեջեփ Թայիփ Էրդողանը սոցիալական ցանցում կատարած գրառմամբ շեշտել է, որ հիվանդանոցի ուղղությամբ հարձակումը ցույց է տալիս Իսրայելի մարդկային արժեքներից զուրկ լինելը:

«Հիվանդանոցին հարվածելը, որում եղել են կանայք, երեխաներ և անմեղ քաղքացիական անձինք, Իսրայելի ամենահիմնարար մարդկային արժեքներից զուրկ հաձակումների վերջին օրկինակն է»:

Սոցիալական էջում հարձակումը դատապարտող գրառում է կատարել նաև Թուրքիայի Կրոնական հարցերի վարչության ղեկավար Ալի Էրբաշը:

Նա շուտափույթ ապաքինում է մաղթել բոլոր տուժածներին և նշել, որ Իսրայելի կողմից իրականացված նման քայլը որևիցե արժեքով և կամ հավատալիքով չի կարող բացատրվել:

«Ես խստորեն դատապարտում եմ այս հարձակումը, իսկ դրանում պատասխանատուներին՝ անիծում»,-ասել է նա:

Էրբաշը նաև ընդգծել է անհապաղ Գազայի շրջանի ապաշրջափակմանը և շրջանի նկատմամբ իրականացվող անմարդկային գործողություններին վերջ տալու անհրաժեշտությունը:

Նշենք, որ Իսրայելը հիվանդանոցը հրթիռակոծել էր հոկտեմբերի 17-ին: Նախնական տվյալների համաձայն՝ մահացել է 500 մարդ: