Քաղաքական10:17, 17 Հոկտեմբեր 2023
Թուրքիայի պաշտպանության նախարարը եղել է Կոսովոյում
Թուրքիայի պաշտպանության նախարար Յաշար Գյուլերը հոկտեմերի 16-ին եղել է Կոսովոյում:
Գյուլերը դիմել է Կոսովոյի Սուլթան Մուրադի զորանոցի թուրքական ներկայացուցչական պատվիրակության նախագահության հովանու ներքո ծառայություն իրականացնող թուրք զինվորներին:
Նա թուրք զինվորականների հետ ընթրել է, ապա շնորհակալություն հայտնել իրենց ծառայության համար:
Գյուլերն իր խոսքում Կոսովոյին, չնած նրան, որ սահմանակից պետություններ չեն, համարել է հարևան երկիր և հայտարարել, որ մտադիր են Կոսովոյի հետ շարունակելու իրենց համագործակցությունը մշակույթի, պաշտպանության և անվտանգության ու այլ ոլորտներում:
Թուրքիայի պաշտպանության նախարարը հայտնել է իր գոհունակությունը Կոսովոյում գտնվելու առթիվ, հիշեցրել, որ թուրք զինվորները Միացյալ ազգերի կազմակերպության (ՄԱԿ) որոշումների և Հյուսիսատլանտյան դաշինիքի (ՆԱՏՕ) հովանու ներքո խաղաղության աջակցման և պաշտպանության առաքելության շրջանակներում Կոսովոյում տեղակայվել են 1999-ին:
Գյուլերը նաև հայտարարել է, որ Թուրքիան կողմնակից է խաղաղությանը և աշխարհում առկա խնդիրների երկխոսության միջոցով լուծմանը:
Հիշեցնենք, որ 2008թ. փետրվարի 17-ին էին Կոսովոյի ալբանական իշխանությունները հռչակել երկրամասի անկախությունը, որն անմիջապես ճանաչվել էր ԱՄՆ-ի, Մեծ Բրիտանիայի, Ֆրանսիայի, Գերմանիայի եւ աշխարհի այլ առաջատար երկրների կողմից:
Սակայն այն մինչ օրս չի ճանաչել Սերբիան: 2009թ. դեկտեմբերին Սերբիան դիմել էր ՄԱԿ-ի Միջազգային դատարան` Կոսովոյի անկախության հռչակման իրավական համապատասխանության հարցը քննելու հայցով: 2010թ. հուլիսի 22-ին Միջազգային դատարանը որոշում էր կայացրել, որ Կոսովոյի անկախության հռչակագիրը չի հակասում միջազգային իրավունքի նորմերին:
Այնուամենայնիվ Սերբիան շարունակել էր պնդել, որ Կոսովոն մնում է իր տարածքի անքակտելի մասը:
ՄԱԿ ԱԽ մշտական անդամներ Ռուսաստանը եւ Չինաստանը համերաշխություն էին հայտնել Սերբիային, իսկ ԵՄ-ը եւ ԱՄՆ-ը ողջունել դատարանի վճիռը:
Այս ենթաբաժնի վերջին նորությունները
Այդ մասին ՀՀ վարչապետը հատնել է Ստամբուլի հայ համայնքի հետ հանդիպման ընթացքում։
Այդ մասին հայտարարել է ՀՀ վարչապետը Ստամբուլի հայ համայնքի ներկայացուցիչների հետ հանդիպման ընթացքում։
Հանդիպմանը ներկա են նաև Թուրքիայի և Հայաստանի արտաքին գործերի նախարարները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |