Անօրինական փախստականները Թուրքիայում կարող են դեմոգրաֆիկ փոփոխություններ առաջացնել

Հասարակական16:12, 03 Հոկտեմբեր 2023

Անօրինական փախստականները Թուրքիայում կարող են դեմոգրաֆիկ փոփոխություններ առաջացնել

2011-ին Սիրիայի ներսում սկսված պատերազմի, աշխարհում առկա տնտեսական խնդիրների, Աֆղանստանում թալիբանների կողմից իշխանության գալու և մի շարք այլ պատճառներով անօրինական ճանապարհներով Թուրքիա մուտք գործող փախստականների թիվը վերջին շրջանում աճել է:

Սոցիոլոգները մեծ տեմպերով աճող այդ խնդիրը մեկնաբանում են հետևյալ կերպ.

«Անօրինական փախստականների հարցը թուրք հասարակության և պետության առաջ ծառացած լուրջ խնդիր է: Այս խնդիրը զգալի ազդեցություն կարող է ունենալ թուրք հասարակության դեմոգրաֆիկ կառուցվածքի վրա»:

Բացի այդ նշում են նաև փախստականների հոսքի դրական կողմերի մասին.

«Թուրքիան կարիք ունի փախստականների, իհարկե, դա հերքել չենք կարող, քանի որ եթե դուք ստանում եք կանոնավոր և որակյալ ներգաղթ, այն ձեզ ուժեղացնում է: Այսինքն, այն լրացնում է ձեր պակասները և թեթևացնում աշխատուժը: Ամբողջ աշխարհում է այդպես»

Վերոհիշյալ խոսքերին որպես ապացույց օրինակ է բերվում ԱՄՆ-ի «Green card»-ի մեթոդը, որով արդեն երկար տարիներ է ինչ ԱՄՆ-ն որակյալ փախստականների առաջ բացում է իր դռները:

Սոցիոլոգների մեկնաբանության մեջ հատկանշական է նաև այն, որ Թուրքիայի համար փախստականների տեսանկյունից խնդիր են ոչ թե սիրիացիները, այլ իրանցիներն ու աֆղանցիները:

«Աֆղանցիներն ու իրանցիները մեզ համար մի մեծ խնդիր են: Դրանից զատ մյուս խնդիրները լուծելի են: Մենք եկողներ ունենք թե՛ Ուկրաինայից, թե՛ Ռուսաստանից և թե՛ Հայաստանից: Սրանք մեր համար խնդիր չեն, որոշ կետերի չհամապատասխանողներին կարող ենք համակարգի ներսից մերժել»:

Նշենք, որ մասնագետների կարծիքով առաջիկա տարիներին անօրինական փախստականների խնդիրը Թուրքիային լուրջ խնդիրների առաջ կարող է կանգնեցնել:

Աղբյուր` bbnhaber.com.tr