Սիրիայի փոխարտգործնախարար․ «Թուրքիան պիտի դուրս բերի իր ուժերը Սիրիայից»

Քաղաքական18:25, 02 Հոկտեմբեր 2023

Սիրիայի փոխարտգործնախարար․ «Թուրքիան պիտի դուրս բերի իր ուժերը Սիրիայից»

Սիրիայի փոխարտգործնախարար Բեսամ Սաբբահն անդրադարձել է թուրք-սիրիական հարաբերություններին՝ նշելով, որ թուրքական բանակը պետք է դուրս գա Սիրիայից, որպեսզի Թուրքիայի հետ հարաբերություններին ուղղված ջանքերը դրական արդյունք տան։

Սաբբահը մասնավորապես նշել է․« Թուրքիան պետք է դուրս բերի իր ուժերը։ Բնականաբար, մենք բոլոր առումներով բաց կլինենք նրանց հետ հանդիպելու համար, բայց եթե նրանք պնդում են, որ այդ անօրինական օկուպացիայից չեն նահանջում և մնում են, ուրեմն այդ պարագայում դա խանգարում է Թուրքիայի հետ ցանկացած շփմանը և հարաբերությանը»։

Խոսելով ՄԱԿ-ի Անվտանգության խորհրդի մասին՝ փոխարտգործնախարարը հայտարարել է, որ այն չի արտացոլում այսօրվա աշխարհի աշխարհաքաղաքական կառուցվածքը և նշել է, որ այդ խորհրդում պետք է ներկայացված լինեն նաև զարգացող երկրները։

Սաբբահը նաև կարևորել է երկու երկրների առաջնորդների հայտարարություններն ՄԱԿ-ի ԱԽ-ում բարեփոխումների անհրաժեշտության մասին և նշել․ «Մեր օրերում Անվտանգության խորհրդում միջազգային հարաբերությունների իրողությունները ուղղակիորեն չեն արտացոլվում։ Մենք պետք է տեսնենք Անվտանգության խորհրդի ընդլայնումը, որպեսզի այն արտացոլի այսօրվա իրականությունը։ Բացի այդ զարգացող երկրները պետք է այստեղ կարևոր դեր խաղան»։

Փոխարտգործնախարարի խոսքով՝ ՄԱԿ-ի 78-րդ գլխավոր ասամբլեայում զարգացող երկրների ելույթները ցույց են տվել, որ նրանցից շատերին ձանձրացրել է արևմտյան հեգեմոնիան և զարգացող երկրները ցանկանում են բազմաբևեռ ղեկավարություն ու հավելել է, որ ամերիկյացիների բևեռացումն այլևս ընդունելի չէ։

Աղբյուր` haber.sol.org