Տարածաշրջան17:22, 25 Սեպտեմբեր 2023
Էրդողանի մամուլի ասուլիս է տվել Նախիջևանում
Նախիջևանի Ինքնավար Հանրապետությունում կայացել է Թուրքիայի և Ադրբեջանի նախագահներ` Ռեջեփ Թայիփ Էրդողանի ու Իլհամ Ալիևի հանդիպումը, որից հետո կողմերը մամուլի ասուլիս են տվել: Անդրադառնալով Լեռնային Ղարաբաղում տեղի ունեցած իրադարձություններին Թուրքիայի նախագահը մասնավորապես նշել է.
«Կորոնավիրուսի համավարակից և մեր տարածաշրջանում տեղի ունեցած պատերազմներից հետո Կասպից-Սև ծով, Արևելք-Արևմուտք միջին միջանցքը և դրա նշանակությունը շատ ավելի ակնհայտ դարձավ։ Այս առումով, Իգդիր-Նախիջևան գազատարի նախագիծը, որը մենք նոր ենք սկսել, կխորացնի մեր էներգետիկ համագործակցությունն Ադրբեջանի հետ, ինչպես նաև կնպաստի եվրոպական էներգետիկ անվտանգության ապահովմանը»։
Էրդողանը խոսել է նաև օրերս ղարաբաղյան իրադարձություններին, որոնք նա բնորոշել է որպես «կրիտիկական զարգացումներ» տարածաշրջանի համար։
Ադրբեջանը երկրորդ ղարաբաղյան պատերազմից հետո անցած երեք տարիների ընթացքում, ցավոք, չստացավ այն մտահոգությունների պատասխանը, որոնք բարձրաձայնում էր պարբերաբար։ Արդյուքում ստիպված եղավ իր ինքնիշխան տարածքում իրականացնել ռազմական օպերացիա։ Օպերացիան կարճ ժամանակում իրականացնելով, հատկապես քաղաքացիական անձանց իրավունքների նկատմամբ ծայրաստիճան զգոնություն ցուցաբերելով այն հաջողությամբ ավարտելը մեզ համար պարծանքի առիթ էր»,- շեշտել է Թուրքիայի նախագահը։
Նա նաև անդրադարձել է Նախիջևանի ներուժին և ռազմավարական կարևորությանը՝ ասելով. «Շուշիի հռչակագիրը, որը ստորագրել ենք ես և եղբայրս՝ Իլհամ Ալիևը, կարևոր քայլ է մեր հարաբերությունների դաշնակցային մակարդակն ամրապնդելու գործում։ Նախիջևանը պատմության ընթացքում իր ռազմավարական կարևորությամբ մշտապես առանձնահատուկ տեղ է ունեցել Ադրբեջանի հետ մեր հարաբերություններում։ Այսօր Նախիջևանը մեծ ներուժ ունի նաև տնտեսության, տրանսպորտի և էներգետիկայի ոլորտներում։ Տարածաշրջանային տրանսպորտային կապուղիների ստեղծմամբ մենք հնարավորություն կունենանք ամբողջությամբ իրացնել այդ ներուժը»։
Այս ենթաբաժնի վերջին նորությունները
Թուրքիայի նախագահը գոհունակություն է հայտնել Ադրբեջանի և Հայաստանի միջև խաղաղության գործընթացի դրական առաջընթացից և նշել, որ Թուրքիան ուշադրությամբ հետևում է գործընթացին։
Այցի շրջանակներում կողմերը կքննարկեն ապրանքաշրջանառության ծավալները 5 մլրդ դոլարի հասցնելու հարցը։
Մայիսի 15-ին Ֆաթիհ թաղամասում գտնվող «Եգիպտոսի շուկա»-կոչվող վայրում բռնկված հրդեհը մոտակայքում գտնվող մարդկանց շրջանում խուճապ է առաջացրել:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Կան նաև շրջանակներ, որոնք նկատի ունենալով իրենց երկրի նախագահ Ռեջեփ Թայիփ Էրդողանին, գրել են․ «Տարոսը մեզ»։
Մայիսի 19-ին՝ Իրանի և Ադրբեջանի Հանրապետության սահմանին գտնվող ջրամբարի բացման արարողությունից վեռադառնալիս Իրանի նախագահին տեղափոխող ուղղաթիռը կործանվել էր:
Ըստ թուրքական գերատեսչության՝ հույն աջ ծայրահեղականների կողմից արվող պնդումները վնասում են թուրք-հունական հարաբերությունները:
Oրակարգում են լինելու դատական համակարգի փոփոխության նախագծի, կրթության ոլորտի և տնտեսության վերաբերյալ հարցեր:
Թուրքիայի նախագահը գոհունակություն է հայտնել Ադրբեջանի և Հայաստանի միջև խաղաղության գործընթացի դրական առաջընթացից և նշել, որ Թուրքիան ուշադրությամբ հետևում է գործընթացին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |