Քաղաքական11:05, 19 Սեպտեմբեր 2023
Ամոր. «Եթե նայենք Թուրքիայի կառավարության կեսի խոսքերին, ապա այդ երկրի կեսն ահաբեկիչներ են»
Եվրախորհրդում Թուրքիայի մասին զեկուցող Նաչո Սանչեզ Ամորը պատասխանել է օրերս Թուրքիայի նախագահ Ռեջեփ Թայիփ Էրդողանի «Անհրաժեշտության դեպքում Եվրամիության (ԵՄ) հետ ճանապարհները կարող են առաձնանալ» հայտարարությանը:
Մասնավորապես Ամորը քննադատության է ենթարկել թուրքական իշխանությունների կողմից պարբերաբար կիրառվող «ահաբեկչություն» տերմինը, որով այդ հասկացողությունն ըստ նրա՝ Թուրքիայում անտեղի ընդլայնվում է:
«Եթե նայենք «Արդարություն և զարգացում» կուսակցության (ԱԶԿ-AKP, իշխող ուժ Թուրքիայում) և կառավարության կեսի խոսքերին՝ երկրի կեսը կազմում են ահաբեկիչները»:
Բացի այդ, Ամորը նշել է, որ ԵՄ-ն Թուրքիայից սպասում է ահաբեկչության դեմ պայքարը սահմանող կանոնների փոփոխություն:
«Ես չգիտեմ, թե ինչպես պետք է լինի օրենքի ամբղջական ձևակերպումը, բայց բացատրենք այսպես. Twitter-ում հրապարակում կատարած աշակերտին ահաբեկչական օրենքների շրջանակներում դատելը տարօրինակ է: Թուրքիայում ամեն ինչ դիտարկվում է ահաբեկչական հանցագործության անվան տակ: Դա խենթություն է»,- ասել է Ամորը
Եվրախորհրդում (ԵԽ) Թուրքիայի մասին զեկուցողի համաձայն՝ նմանատիպ քաղաքականության արդյունքում իրական ահաբեկիչները կարող են մնալ աննկատ:
«Եթե բոլորին ահաբեկիչներ ասեն, այդ թվում այն մարդկանց, ովքեր կքննադատեն ինչ-որ մեկին, կամ կբարձրաձայնեն իրենց մտքերը, իրական ահաբեկիչները կկարողանան թաքնվել»:
Իսկ վերջում Ամորը հայտարարել է, որ ահաբեկչության դեմ պայքարը համակարգող կանոնների փոփոխության համար միայն ԵՄ-ն չէ, որ կոչ է անում Թուրքիային, նման կոչով է հանդես գալիս նաև ԵԽ-ն:
«Նրանք ևս պահանջում են, որ այդ սահմանման (նկատի է առնվել ահաբեկչության սահմանում) շրջանակները փոքրացվեն և նույնիսկ դախազները զգուշացվեն՝ այդ մեղքը ավելի քիչ շրջանառելու առնչությամբ»:
Հիշեցնենք, որ Էրդողանը հիշյալ հայտարարությամբ հանդես էր եկել ԵԽ-ում Թուրքիայի մասին զեկուցող Ամոր Սանչեզի կողմից կազմված Թուրքիայի մասին 2022-ի զեկույցի հրապարակումից հետո:
«Թուրքիայի կառավարությունը հետաքրքրված է մոտ ժամանակներս կյանքի կոչել ԵՄ-ի անդամակցության գործընթացը: Սա աշխարհաքաղաքական գործարքների պատճառով չէ, որ իրականացվելու է: Այն իրականացվելու է միայն այն պարագայում, երբ թուրքական իշխանությունները անկեղծ հետաքրքրություն ցուցաբերեն երկրում հիմնարար ազատությունների և իրավունքի գերակայության հարցում: Եթե թուրքական կառավարությունն իրապես ցանկանում է ԵՄ-ի ճանապարհը կրկին կյանքի կոչել, ապա ոչ թե հայտարարություններով, այլ հստակ բարեփոխումներով և գործողություններով պետք է ցույց տա դա»,- ասված է եղել զեկույցում:
Այս ենթաբաժնի վերջին նորությունները
Այդ մասին ՀՀ վարչապետը հատնել է Ստամբուլի հայ համայնքի հետ հանդիպման ընթացքում։
Այդ մասին հայտարարել է ՀՀ վարչապետը Ստամբուլի հայ համայնքի ներկայացուցիչների հետ հանդիպման ընթացքում։
Հանդիպմանը ներկա են նաև Թուրքիայի և Հայաստանի արտաքին գործերի նախարարները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |