Քաղաքական11:22, 18 Սեպտեմբեր 2023
Էրդողանն ԱՄՆ-ում հանդիպել է Իլոն Մասկին (լուսանկարներ/տեսահոլովակ)
Թուրքիայի նախագահ Ռեջեփ Թայիփ Էրդողանը ԱՄՆ-ի Նյու Յորք քաղաքում գտնվող «Թուրքիայի տանը» մի շարք դռնփակ հանդիպումներ է ունեցել:
Էրդողանն ընդունել է Վրաստանի վարչապետ Իրակլի Ղարիբաշվիլիին, ինչպես նաև Twitter-ի, Tesla-ի և SpaceX-ի հիմնադիր Իլոն Մասկին:
Ընդունելությանը ներկա է գտնվել Թուրքիայի արտգործնախարար Հաքան Ֆիդանը, արդյունաբերության և տեխնոլոգիաների նախարար Ֆաթիհ Քաջըրը, խորհրդարանի արդյունաբերության, առևտրի, էներգետիկայի, բնական հանածոների, տեղեկատվության և տեխնոլոգիաների հանձնաժողովի նախագահ Մուստաֆա Վարանքը, ինչպես նաև նախագահականի թվային փոխակերպման գրասենյակի նախագահ Ալի Թահա Քոչը:
Մասկի հետ հանդիպամնն Էրդողանը կոչ է արել Tesla-ի 7-րդ գործարանը բացել Թուրքիայում:
Բացի այդ, Թուրքիայի նախագահը նշել է, որ SpaceX-ի և Թուրքիայի օդատիեզերական ծրագրերի շրջանակներում նոր հնարավորություններ կարող են ի հայտ գալ, ապա Մասկին հրավիրել Իզմիրում անցկացվելիք «TEKNOFEST»-ին:
Էրդողանը հանդիպման վերջում Twitter-ի հիմնադրին է նվիրել իր հեղինակած «Ավելի արդար աշխարհ հնարավոր է» գրքի անգլերեն տարբերակը, ինչպես նաև ՄԱԿ-ի անվտանգության խորհրդում առաջ քաշված բարեփոխումների պահանջի պատճառների մասին պատմող «ՄԱԿ բարեփոխում. նոր մոտեցում միջազգային համագործակցությանը» գիրքը:
Իսկ Իլոն Մասկի որդուն էլ Թուրքիայի նախագահը նվիրել է ֆուտբոլային գնդակ:
Նշենք, որ Էրդողանը Նյու Յորք է մեկնել սեպտեմբերի 16-ին՝ ՄԱԿ- գլխավոր ասամբլեայի 78-րդ նստաշրջանին մասնակցելու նպատակով:
.jpg)
Այս ենթաբաժնի վերջին նորությունները
Հեռախոսազրույցի ընթացքում Թուրքիայի նախագահը Սպիտակ տան ղեկավարին հրավիրել է Թուրքիա։
Նախքան վարչապետի այցը, մայիսի 5-ին Թուրքիա է մեկնել Իրաքի ԱԳՆ-ի հարևան երկրների վարչության պետի գլխավորած պատիրակությունը։
Հարձակումն կատարած անձը ձերբակալվել է: Դեպքի հանգամանքները պարզվում են:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:
Հարձակումն կատարած անձը ձերբակալվել է: Դեպքի հանգամանքները պարզվում են:
Թուրքական մամուլում որպես պատճառ նշվում է իրանական նավթի ներկրումը:
JINSA-ի զեկույցում ընդգծվել է, որ Թուրքիան կործանիչների ձեռքբերման տեսանկյունից վստահելի չէ:
Նշվում է, որ աշխատանքներ են տարվում Թուրքիայից դեպի Հալեպ և Իդլիբ էլեկտրաէներգիա և գազ փոխադրելու 2 նոր գծի վրա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |