Թուրքիայի ՆԳ նախկին նախարարը բարոյական վնասի փոխհատուցում կվճարի ընդդիմադիր կուսակցապետին

Իրավական13:56, 07 Սեպտեմբեր 2023

Թուրքիայի ՆԳ նախկին նախարարը բարոյական վնասի փոխհատուցում կվճարի ընդդիմադիր կուսակցապետին

Թուրքիայի գլխավոր ընդդիմադիր ուժը համարվող «Ժողովրդահանրապետական» կուսակցության (ԺՀԿ-CHP) առաջնորդ Քեմալ Քըլըչդարօղլուն շահել է ներքին գործերի նախկին նախարար Սուլեյման Սոյլուի դեմ դատը։

Նշենք, որ ընդդիմադիր կուսակցապետը դատի էր տվել Սոյլուին՝ իր հասցեին վիրավորական արտահայտություններ հնչեցնելու համար։

Դատարանը նախկին նախարարին պարտավորեցրել է 45 հազար թուրքական լիրայի չափով (1676 դոլար) բարոյական փոխհատուցում վճարել Քըլըչդարօղլուին։

Այս մասին սոցցանցում գրառում է արել Քըլըչդարօղլուի փաստաբան Ջելալ Չելիքը։

«Մենք ասել էինք, որ Սուլեյման Սոյլուից հաշիվ ենք պահանջելու իր անմակարդակության համար։

Եվ մեր խոստումը կատարեցինք։

Մենք կշարունակենք վրդովեցնել Սոյլուին և նրա նմաններին և նրանց պատասխանատվության ենթարկել…»:

Ելույթ ունենալով Թուրքիայի մեջլիսի պլանավորման և բյուջեի հանձնաժողովում՝ այն ժամանակվա ներքին գործերի նախարար Սուլեյման Սոյլուն անդրադարձել էր CHP-ի նախագահ Քեմալ Քըլըչդարօղլուի՝ սև փողերի և թմրանյութերի մասին իրեն վերագրվող պնդումներին։ Նա մասնավորապես ասել էր․ «Ե՛վ փող լվացողը, և՛ թմրավաճառն անպատիվ են։ Քըլըչդարօղլուն, ով չի ապացուցում նույնպես պատվազուրկ է. Դա այնքան պարզ է: Ով չի ապացուցում, անպատիվ է»։

Այս վիրավորանքների համար ընդդիմադիր կուսակցապետը դատի էր տվել Սոյլուին՝ պահանջելով 200 հազար թուրքական լիրայի չափով բարոյական փոխհատուցում։

Աղբյուր` Ermenihaber.am

Այս ենթաբաժնի վերջին նորությունները

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։