Տարածաշրջան14:24, 23 Օգոստոս 2023
Թուրքիայում բռնկված խոշոր անտառային հրդեհները դեռևս մարել չի հաջողվում
Թուրքիայի գյուղատնտեսության և անտառտնտեսության նախարար Իբրահիմ Յումաքլըն գլխավոր անտառտնտեսության հրշեջ կենտրոնից Չանաքքալեի անտառային հրդեհների վերաբերյալ հայտարարությամբ է հանդես եկել։
Յումաքլըն մասնավորապես նշել է, որ ամբողջ երկրի տարածքում գրանցվել է 29 անտառային հրդեհ, որից 26-ը վերահսկողության տակ է առնվել, իսկ Չանաքքալեի, Բուրսայի Յենիշեհիր և Քարաջաբեյ շրջաններում հրդեհները դեռևս շարունակվում են։ Հրդեհների պատճառով փակվել է Դարդանելի նեղուցը և դադարեցվել նավերի շարժը երկու ուղղություներով։
Նախարարը հայտնել է, որ այս պահի դրությամբ ամենաուժեղ հրդեհը Չանաքքալեում է, քանի որ հրդեհի արագ տարածմանը նպաստում է ուժեղ քամին 70կմ/ժամ արագությամբ և 19% խոնավությամբ։ Չանաքքալեի անտառային հրդեհը հասել է Չանաքքալեի կենտրոն հատկապես Կեպեզ քաղաք։ Հրշեջները 6 ժամում անցել են 15․1 կմ տարածություն։
Նաև հավելել է․ «Քանի որ շատ են շահարկումները, նշեմ, որ պետական հիվանդանոցն ու համալսարանը զգոն են, բայց տարհանման մասին խոսք չկա։ 9 գյուղերի համար ձեռնարկվել են միջոցներ։ Գյուղերից տարհանվել են Քայադերեն, Դամյերին, Բելենը, Ուլուփընարը, Յաղջըլարը և Քալաբաքլըն, կան նաև տարհանման պատրաստ գյուղեր։ Բարեբախտաբար, մինչ այժմ զոհեր չկան»։
Յումքալըն հայտնել է, որ այս պահի դրությամբ նյութական վնասի չափի մասին հստակ տեղեկություն չկա։ Հրդեհաշիջման աշխատանքներին մասնակցում է 8 ինքնաթիռ, 26 ուղղաթիռ, մոտավորապես 180 ջրցան մեքենա, շինարարական տեխնիկա և 1100 հրշեջ։
Այս ենթաբաժնի վերջին նորությունները
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Սեյեդ Աբբաս Մուսավի. «Ադրբեջանն ուզում էր բաց ճանապարհ՝ առանց հայկական վերահսկողության, ինչը, բնականաբար, անընդունելի էր»։
Ըստ Քուրթուլմուշի՝ անկասկած է, որ Ադրբեջանի և Հայաստանի միջև կարգավորումը միևնույն ժամանակ վերջ է դրել ԵԱՀԿ Մինսկի խմբի գործունեությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Մարդիկ Թուրքիայում աշխատում են շաբաթական միջինում 45.6 ժամ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |