Էրդողանն Անկարայում ընդունել և զորակցել է Պաղեստինի ղեկավարին

Քաղաքական11:29, 26 Հուլիս 2023

Էրդողանն Անկարայում ընդունել և զորակցել է Պաղեստինի ղեկավարին

Հուիսի 25-ին Թուրքիայի նախագահ Ռեջեփ Թայիփ Էրդողանը Անկարայի նախագահական նստավայրում պաշտոնական արարողությամբ ընդունել է Պաղեստինի առաջնորդ Մահմուդ Աբբասին: Այնուհետև տեղի է ունեցել նրանց առանձնազրույցը և համատեղ մամուլի ասուլիսը:

Ասուլիսի ընթացքում Էրդողանը նախ շնորհակալություն է հայտնել Պաղեստինի ղեկավարին մայիսին տեղի ունեցած նախագահական ընտրություններում իրեն աջակցելու համար, ապա խոսել Պաղեստինի խնդրի շուրջ Թուրքիայի ունեցած դիրքորոշման մասին:

«Մենք շարունակելու ենք աջակցել Պաղեստինի դատական հայցի պաշտպանությանը: Տարածաշրջանում արդար և տևական խաղաղության ճանապարհը երկու պետությունների ստեղծման տեսլականը պաշտպանելն է»:

Նա նաև նշել է, որ կարևոր է պետականության ստեղծումը այն Պաղեստինում, որի մայրաքաղաքը 1967-ի սահմաններով եղել է Արևելյան Երուսաղեմը:

Թուրքիայի նախագահի խոսքով՝ հանդիպմանը քննարկվել են մի շարք հարցեր՝ կապված երկկողմ հարաբերությունների խորացմանը միտված քայլերի հետ:

Էրողանը նաև հայտնել է իր երկրի աջակցությունը Պաղեստինի ժողովրդի ներկայիս վիճակի բարելավման և պետականության կարողունակության ամրապնդման հարցում:

«Էական է, որ մասնավորապես պաղեստինյան խնդրում ամուր ներգրավվածություն ունենա ՄԱԿ-ի արդարադատության միջազգային դատարանը»,-հավելել է Թուրքիայի ղեկավարը:

Նշենք, որ 2014-ից ի վեր Պաղեստինն Իսրայելի դեմ Հաագայի արդարադատության միջազգային դատարան մի շարք դատական հայցեր է ներկայացրել, որոնք կապված են եղել տարբեր խնդիրների հետ: Ինչպես օրինակ՝ Իսրայելի կողմից Հորդանան գետի արևմտյան ափի գյուղի քանդման որոշման, այնտեղ շինարարական աշխատանքների իրականացման, Պաղեստինի վրա հարձակումների, ռազմական հանցագործությունների, ԱՄՆ-ի դեսպանատան Երուսաղեմ տեղափոխման և մի շարք այլ խնդիրների:

Աղբյուր` kronos36.news

Այս ենթաբաժնի վերջին նորությունները

21:12, 20 հուն

Փաշինյանն Էրդողանին հրավիրել է Հայաստան

Այդ մասին ՀՀ վարչապետը հատնել է Ստամբուլի հայ համայնքի հետ հանդիպման ընթացքում։

21:11, 20 հուն

Փաշինյան․ «Թուրքիան Հայաստանի համար, Հայաստանն էլ Թուրքիայի համար սպառնալիք չէ»

Այդ մասին հայտարարել է ՀՀ վարչապետը Ստամբուլի հայ համայնքի ներկայացուցիչների հետ հանդիպման ընթացքում։

20:41, 20 հուն

Ստամբուլում ընթանում է Փաշինյան-Էրդողան հանդիպումը

Հանդիպմանը ներկա են նաև Թուրքիայի և Հայաստանի արտաքին գործերի նախարարները։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Փաշինյանը Թուրքիայում է. Ո՞վ է դիմավորել նրան (Տեսանյութ)

Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։