Թուրքիան ու ԱՄՆ-ն հուսով են, որ ՌԴ-ն կվերադառնա հացահատիկի գործարքին

Քաղաքական16:37, 25 Հուլիս 2023

Թուրքիան ու ԱՄՆ-ն հուսով են, որ ՌԴ-ն կվերադառնա հացահատիկի գործարքին

ԱՄՆ պետքարտուղարությունը հույս է հայտնել, որ Թուրքիայի նախագահ Ռեջեփ Թայիփ Էրդողանի առաջիկա հանդիպումը Ռուսաստանի նախագահ Վլադիմիր Պուտինի հետ դրական արդյունքներ կտա Սևծովյան հացահատիկի համաձայնագրի երկարաձգման հարցում։

Թեմային արձագանքել է ԱՄՆ պետդեպի խոսնակ Մեթյու Միլլերը՝ հույս հայտնելով, որ առաջիկայում Պուտինի ու Էրդողանի միջև կայանալիք հանդիպման արդյունքում այդ հարցով դրական որոշում կկայացվի։

Ռուսաստանը «հացահատիկի գործարքից» դուրս գալու մասին հայտնել էր հուլիսի 17-ին, երբ լրացավ գործարքի երկարաձգման վերջնաժամկետը։ Կրեմլում այս քայլը պատճառաբանում են նրանով, որ սևծովյան համաձայնագրի՝ Ռուսաստանին վերաբերող մասը չի կատարվել։

ԱՄՆ պետքարտուղար Էնթոնի Բլինքենը հույս էր հայտնել, որ Թուրքիան կնպաստի բոլոր մասնակիցների վերադարձին Սևծովյան հացահատիկային նախաձեռնությանը։

Ավելի վաղ Թուրքիայի արտաքին գործերի նախարար Հաքան Ֆիդանն էլ ասել էր, որ Սև ծովով հացահատիկի գործարքի շարունակումն անհնարին է առանց Ռուսաստանի մասնակցության:

«Ուկրաինան փորձում է այլընտրանքային ուղի մշակել, բայց մենք՝ որպես թուրքական կողմ, համոզված ենք, որ հարկ է ռուսներին վերադարձնել բանակցային սեղանի շուրջ: Ցանկացած այլ տարբերակ վտանգավոր կլինի, դա մենք նշել ենք նաև ՄԱԿ-ի գլխավոր քարտուղարի հետ հարցը քննարկելիս», - նշել էր Ֆիդանը։

Աղբյուր` Ermenihaber.am

Այս ենթաբաժնի վերջին նորությունները

21:12, 20 հուն

Փաշինյանն Էրդողանին հրավիրել է Հայաստան

Այդ մասին ՀՀ վարչապետը հատնել է Ստամբուլի հայ համայնքի հետ հանդիպման ընթացքում։

21:11, 20 հուն

Փաշինյան․ «Թուրքիան Հայաստանի համար, Հայաստանն էլ Թուրքիայի համար սպառնալիք չէ»

Այդ մասին հայտարարել է ՀՀ վարչապետը Ստամբուլի հայ համայնքի ներկայացուցիչների հետ հանդիպման ընթացքում։

20:41, 20 հուն

Ստամբուլում ընթանում է Փաշինյան-Էրդողան հանդիպումը

Հանդիպմանը ներկա են նաև Թուրքիայի և Հայաստանի արտաքին գործերի նախարարները։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Փաշինյանը Թուրքիայում է. Ո՞վ է դիմավորել նրան (Տեսանյութ)

Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։