Ռուսաստանը Թուրքիային 2 հրդեհաշեջ ինքնաթիռ է տրամադրել

Տարածաշրջան14:57, 19 Հուլիս 2023

Ռուսաստանը Թուրքիային 2 հրդեհաշեջ ինքնաթիռ է տրամադրել

Ռուասաստանի արտակարգ իրավիճակների նախարարության տարածած հաղորդագրության համաձայն՝ անտառային հրդեհների մարման նպատակով Ռուսաստանը Թուրքիային ինքնաթիռներ է տրամադրել:

Մասնավորապես նշվում է, որ հուլիսի 19-ին Դոնի Ռոստով քաղաքի «Platov» օդանավակայանից Թուրքիա է ուղևորվել 2 «Be-200» տիպի հրդեհաշեջ ինքնաթիռ՝ ի պատասխան ստացված օգնության խնդրանքին:

Այս ինքնաթիռները արդյունավետ են նույնւսկ դժվարամատչելի տեղանքներում, ինչպես նաև զինված են ինֆրակարմիր ջերմատեսիլ տեսախցիկներով, որի շնորհիվ էլ կարող են հետևել կրակի տարածմանը և բացահայտել դրա առկայությունը:

Նշենք, որ հուլիսի 18-ին օգնության խնդրանքով Ռուսաստանին էր դիմել Թուրքիայի արտգործնախարար Հաքան Ֆիդանը՝ ռուսաստանցի գործընկերոջ՝ Սերգեյ լավրովի հետ հեռախոսազրույցի ընթացքում:

Հուլիսի 17-ից ի վեր Թուրքիայի մի շարք հարավային և արևմտյան նահանգներում հրդեհներ էին բռնկվել, իսկ հուլիսի 18-ին մայրաքաղաք Անկարայում քիմիական գործարանի պայթյունի հեևանքով հրդեհ էր բռնկվել նաև Կայաշի թաղամասի անտառածածկ հատվածներում:

Աղբյուր` airporthaber.com

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։