Ղարաբաղ12:16, 13 Հուլիս 2023
Ըստ Էրդողանի՝ 2025-ին ռուս խաղաղապահները հեռանալու են Արցախից
Հուլիսի 12-ին Վիլնյուսում ընթացող ՆԱՏՕ-ի անդամ երկրների ղեկավարների գագաթնաժողովի ավարտին Էրդողանը պատասխանել է լրագրողների հարցերին:
Ադրբեջանցի լրագրողներից Խայալ Ազիզովը, նշելով, որ բոլորին հայտնի է Լեռնային Ղարաբաղում խնդիրների առկայությունը և իբրև թե այնտեղ տեղակայված ռուս զինվորները անհանգստացնում են Ադրբեջանին ու Հայաստանին, Էրդողանին ուղղել է հետյալ հարցը. «Նախորդ շաբաթ Ադրբեջանի դրոշի նկատմամբ Ղարաբաղում անարգանք է եղել, ռուս զինվորները, իջեցնելով Ադրբեջանի դրոշը, գետնին են նետել, դրա տեսագրությունն էլ կա։ Ռուսները ցանկանում են, որ նրանք մնան այնտեղ։ Ձեր դիրքորոշումն ինչպիսի՞ն է։ Ռուս զինվորը արդյո՞ք պետք է շարունակի իր ներկայությունը Ղարաբաղում, թե՞ երկու տարի հետո, եթե կողմերից մեկն ասի՝ թող ռուս զինվորը լքի Ղարաբաղը, նրանք պիտի լքեն։ Ձեր դիրքորոշումը սրա հետ կապված ինչպիսի՞ն է»:
Ի պատասխան Թուրքիայի նախագահն ասել է. «Մեր դիրքորոշումն այն է, որ Ռուսասատանը մնա պայմանագրի համաձայն որոշված վայրերում մինչև 2025-ը: Իսկ 2025․-ին Ռուսաստանը լքելու է այդ վայրերը։ Պայմանավորվածությունն այդպիսին է։ Ես էլ հավատում եմ, որ Ռուսաստանը հավատարիմ է մնալու այդ պայմանավորվածությանը։ Իմ թանկագին եղբայր Իլհամ Ալիևն էլ՝ հետևողական է դրան։ Շնորհակալություն»:
Հիշեցնենք, որ Արցախում տեղակայված ռուս խաղաղապահների պատասխանատվության գոտում գտնվող Ստեփանակերտ-Գորիս ճանապարհահատվածին՝ Հակարիի կամրջի վրա, Ադրբեջանի կողմից ապրիլի 23-ին տեղակայված անօրինական սահմանային անցակետի մոտ՝ կամրջի Հայաստանի սահմանից ներս գտնվող մասում, ադրբեջանի սահմանապահ ծառայությունները փորձել էին բարձրացնել Ադրբեջանի դրոշը, ինչը սակայն խաթարվել էր ՀՀ ԱԱԾ սահմանապահ ծառայության կանխարգելիչ գործողությունների շնորհիվ:
Ավելի ուշ սակայն ադրբեջանական կողմին հաջողվել էր տեղադրել դրոշը: Տեղադրելուց հետո այն արդեն հեռացվում է ռուս խաղաղապահների համապատախսան գործողությունների արդյունքում:
Այս ենթաբաժնի վերջին նորությունները
Թուրքիայի նախագահը MIT- հիմնադրման 97-ամյակին նվիրված միջոցառմանն անդրադարձել է Լեռնային Ղարաբաղի խնդրին:
Ֆիդանը հանդիպելու է նաև Ադրբեջանի արտգործնախարար Ջեյհուն Բայրամովի հետ, որից հետո կողմերը մամուլի ասուլիս կտան։
Թուրքիայի խորհրդարանում ընդունվել է Աղդամի ռուս-թուրքական մշտադիտարկման կենտրոնում Թուրքիայի զինանձնակազմի ծառայության ժամկետը երկարաձգելու մասին նախագիծ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Այն բացվել էր 2021-ի հունվարի 30-ին։ Կենրոնում ծառայում էին 60 ռուս և 60 թուրք զինվոր։
Հանդիպման օրակարգում են եղել երկկողմ հարաբերություններն ու տարածաշրջանային և միջազգային զարգացումները:
Թուրքիայի էերգետիկայի և բնական պաշարների նախարարը թուրք-հունական էներգետիկ ֆորումին հանդես է եկել տեսաուղերձով։
Անկարայի համալսարարանը նշում է, որ ցույցերին մասնակցած համալսարականները ձերբակալվում են և համալսարանում բողոքի ցույցերը դադարեցնելու համար՝ բուհերն անցնում են հեռավար կրթության։
Թուրքական մեդիայում մեծ տարածում են գտել Թուրքիայի նախագահ Ռեջեփ Թայիփ Էրդողանի առաջիկա օրերին ԺՀԿ առաջնորդի հետ հանդիպման մասին լուրերը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |