Թուրքիայի պաշտպանության նախարարը Բրյուսելում մի շարք հանդիպումներ է ունեցել

Քաղաքական12:06, 19 Հունիս 2023

Թուրքիայի պաշտպանության նախարարը Բրյուսելում մի շարք հանդիպումներ է ունեցել

Թուրքիայի պաշտպանության (ՊՆ) նախարար Յաշար Գյուլերը հունիսի 15-ին Բելգիայի մայրաքաղաք Բրյուսելում գտնվող Հյուսիսատլանտյան դաշիքնի (ՆԱՏՕ) գլխավոր շտաբ բնակարանում մասնակցել է դաշինքի անդամ երկրների պաշտպանության նախարարների նիստին:

Նիստի շրջանակներում Գյուլերը նաև մի շարք երկկողմ հանդիպումներ է ունեցել:

Հունիսի 15-ին թուրք նախարարը հանդիպել է Թուրքիայի ՆԱՏՕ-ում մշտական ներկայացուցչության և ռազմական ներկայացուցչության պատվիրակության ղեկավարի հետ:

Իսկ հունիսի 16-ին՝ ՆԱՏՕ-ի գլխավոր քարտուղար Յենս Ստոլտենբերգի, որտեղ կողմերը մտքեր են փոխանակել և ներկայացրել իրենց տեսակետները տարածաշրջանային անվտնագությանն առընչվող ՆԱՏՕ-ի գործողությունների վերաբերյալ:

Նույն օրը Գյուլերը հանդիպել է նաև իր ամերիկացի գործընկերոջ՝ Լյոլդ Ջեյմս Օսթինի հետ: Հանդիպմանը քննարկվել են երկկողմ, ՆԱՏՕ-ին, ինչպես նաև տարածաշրջանային անվտանգությանն առընչվող մի շարք հարցեր:

Բրյուսելում ունեցած օրակարգը Թուրքիայի ՊՆ նախարարն ամփոփել է հունիսի 17-ին տեղի ունեցած մամուլի ասուլիսի ընթացքում:

Անդրադարձ է կատարվել Թուրքիայի և ՆԱՏՕ անդամ պետությունների միջև առկա հարաբերություններին, որտեղ Գյուլերը անըդունելի է համարել դաշնակից պետությունների կողմից Թուրքիայի դեմ կիրառվող զենքի արտահանման սահմանափակումները և նշել.

«Մենք վճռական ենք ահաբեկչության դեմ պայքարը մինչև վերջ տանելու հարցում»:

Իսկ դաշինքին Շվեդիայի անդամակցության վերաբերյալ Գյուլերն ասել է.

«Մենք հայտարարեցինք մեր գործընկերներին, որ աջակցում ենք բաց դռների քաղաքականությանը և եռակողմ հուշագրի պարտավորությունների հստակ իրականացման դեպքում ՆԱՏՕ-ին Շվեդիայի անդամակցությունը հնարավոր կլինի, ինչպես եղավ Ֆինլանդիայի պարագայում»:

Թուրք նախարարի կողմից հայտարարություն է եղել նաև Ուկրաինայից արտահանվող հացահատիկային միջանցի մասին.

«Ընդգծել ենք պայմանավորվածությոնների համաձայն հացահատիկի արտահանման գործընթացի անվտանգ իրականացման կարևորությունը»:

Հիշեցնենք, որ Թուրքիայի պաշտպանության նախարարը ՆԱՏՕ անդամ պետությունների պաշտպանության նախարարների նիստին մասնակցելու նպատակով Բրյուսել մեկնել էր հունիսի 14-ին:

Աղբյուր` trthaber.com