Հայաստանի և Թուրքիայի արտգործնախարարները հեռախոսազրույց են ունեցել

Քաղաքական09:40, 08 Հունիս 2023

Հայաստանի և Թուրքիայի արտգործնախարարները հեռախոսազրույց են ունեցել

Հունիսի 7-ին կայացել է Հայաստանի արտաքին գործերի նախարար Արարատ Միրզոյանի և Թուրքիայի արտաքին գործերի նորանշանակ նախարար Հաքան Ֆիդանի հեռախոսազրույցը: Այս մասին հայտնում են Հայաստանի արտաքին գործերի նախարարությունից։

Միրզոյանը շնորհավորել է Ֆիդանին Թուրքիայի արտաքին քաղաքական գերատեսչության ղեկավարի պաշտոնում նշանակվելու կապակցությամբ:

Կողմերն արտահայտել են իրենց պատրաստակամությունը շարունակելու աշխատել երկու երկրների միջև հարաբերությունների ամբողջական կարգավորման ուղղությամբ:

Հիշեցնենք, որ նախքան արտգործնախարար նշանակվելը Հաքան Ֆիդանը վերջին 10 տարում զբաղեցրել է երկրի հատուկ ծառայությունների ղեկավարի պաշտոնը՝ ղեկավարելով Թուրքիայի ազգային հետախուզական կազմակերպությունը (MİT)։ Այդ ընթացքում նա ներգրավված է եղել Սիրիայի, Սաուդյան Արաբիայի և Իսրայելի հետ Թուրքիայի հարաբերությունների կարգավորմանն ուղղված բանակցություններին։

Աղբյուր` Ermenihaber.am

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: