Գերմանական «Volkswagen»-ի նախկին տնօրենի խոսքերը՝ թուրքական մամուլի ուշադրության կենտրոնում

Քաղաքական13:10, 01 Հունիս 2023

Գերմանական «Volkswagen»-ի նախկին տնօրենի խոսքերը՝ թուրքական մամուլի ուշադրության կենտրոնում

Գերմանական ավտոմոբիլային «Volkswagen» ընկերության նախկին գործադիր տնօրեն Հերբերթ Դիեսը մասնակցել է գերմանական 2-րդ հանրային հեռուստաընկերության՝ «ZDF»-ի եթերում հեռարձակվող բանավեճային հաղորդմանը:

Թուրքական մամուլում լայնորեն տարածվել է նրա խոսքերից հատկապես հետևյալը. «Թուրքիան պատկանում է Եվրոպային: Ավելի լուրջ պետք է վերաբերվենք նրան»:

Դիեսը նաև անդրադարձել է Թուրքիայում վերջերս տեղի ունեցած համապետական ընտրություններին և շեշտել, որ արդյունքները պետք է հարգվեն և ընունելի լինեն:

Նույն տեսակետը կիսել է նաև «Քրիստոնեա-սոցիալական միություն» կուսակցության անդամ և Եվրոպայի խորհրդարանի պատգամավոր Մանֆրեդ Վեբերը, ով ևս մասնակցել է հաղորդմանը:

Ըստ Վեբերի՝ Թուրքիայում ընտրությունների մասնակցության բարձր ցուցանիշներից և արդյունքներից ելնելով՝ պետք է ընդունել դրանց արդյունքները:

Հիշեցնենք, որ մայիսի 14-ին Թուրքիայում մեկնարկել էին համապետական ընտրությունները, որի արդյունքում խորհրդարանում մեծամասնություն կազմեց իշխանական «Ժողովուրդ» դաշինքը՝ ստանալով պատգամավորական 322 մանդատ, իսկ նախագահական ընտրությունները տեղափոխվելով երկրորդ փուլ՝ մայիսի 28, ավարտվեցին վերոհիշյալ դաշինքի միասնական թեկնածու, երկրի նախագահ և իշխող «Ադրադրություն և զարգացում» կուսակցության առաջնորդ Ռեջեփ Թայիփ Էրդողանի հաղթանակով (52.18%):

Աղբյուր` Gunes.com

Այս ենթաբաժնի վերջին նորությունները

09:35, 06 մայ

Թուրքիայի իշխող կուսակցության խոսնակ. «ՔԲԿ-ի ինքնալուծարման գործընթացը պետք է արագ լինի»

«Քուրդիստանի բանվորական կուսակցության» հիմնադիր-աառաջնորդը զենքերը վայր դնելու և ինքնալուծարվելու մասին կոչով միջնորդավորված կերպով հանդես էր եկել փետրվարի 27-ին: