Բայդենը պարզաբանել է, թե երբ F-16 կործանիչների վաճառքը Թուրքիային կլինի ԱՄՆ օրակարգում

Քաղաքական12:11, 30 Մայիս 2023

Բայդենը պարզաբանել է, թե երբ F-16 կործանիչների վաճառքը Թուրքիային կլինի ԱՄՆ օրակարգում

Թուրքիայի նախագահականի հանրային կապերի վարչության տարածած հաղորդագրության համաձայն՝ ԱՄՆ նախագահ Ջո Բայդենը հեռախոսազանգի միջոցով շնորհավորել է Ռեջեփ Թայիփ Էրդողանին Թուրքիայի նախագահի պաշտոնում վերընտրվելու կապակցությամբ:

Նշվում է նաև, որ երկու երկրների առաջնորդները մտքեր են փոխանակել տարածաշրջանային և միջազգային մարտահրավերների վերաբերյալ, ինչպես նաև հայտնել իրենց հաստատակամությունը՝ շարունակելու իրենց երկրների միջև համագործակցությունը առկա բոլոր ոլորտներում:

Ըստ բրիտանական «Reuters» լրատավական գործակալության՝ Բայդենն ու Էրդողանը խոսել են նաև F-16 կործանիչների վաճառքի մասին:

Աղբյուրի համաձայն՝ Բայդենը նշել է, որ կործանիչների վաճառքը օրակարգ կմտնի այն պարագայում, երբ Թուրքիան հրաժարվի Հյուսիսատլանտյան դաշինքին (ՆԱՏՕ) Շվեդիայի անդամակցությունը վավերացնելու հարցում ունեցած իր առարկություններից:

ԱՄՆ նախագահն ասել է, որ վերոհիշյալ թեմայի շուրջ ավելի մանրամասն քննարկումներ կլինեն հաջորդ շաբաթ:

Հիշեցնենք, որ Շվեդիան ՆԱՏՕ-ին անդամակցության հայտ էր ներկայացրել 2022-ի մայիսի 17-ին:

ՆԱՏՕ-ին անդամակցելու՝ Շվեդիայի հայտը դաշինքի անդամներից չեն վավերացրել միայն Թուրքիան և Հունգարիան։

Աղբյուր` Evrensel.net

Այս ենթաբաժնի վերջին նորությունները

09:35, 06 մայ

Թուրքիայի իշխող կուսակցության խոսնակ. «PKK-ի ինքնալուծարման գործընթացը պիտի արագ լինի»

«Քուրդիստանի բանվորական կուսակցության» հիմնադիր-աառաջնորդը զենքերը վայր դնելու և ինքնալուծարվելու մասին կոչով միջնորդավորված կերպով հանդես էր եկել փետրվարի 27-ին: