Թուրքիայի ԱԳ նախարարը սպառնում է նոր քայլեր ձեռնարկել Նեմեսիսի հուշակոթողը չհեռացնելու դեպքում

Քաղաքական22:41, 23 Մայիս 2023

Թուրքիայի ԱԳ նախարարը սպառնում է նոր քայլեր ձեռնարկել Նեմեսիսի հուշակոթողը չհեռացնելու դեպքում

Թուրքիայի արտգործնախարար Մևլյութ Չավուշօղլուն մայիսի 23-ին Անթալիայի Մուրադփաշա շրջանում գտնվող հյուրանոցում հանդիպել է Ադրբեջանի պատվիրակության հետ Թուրքիա ժամանած լրագրողներին։

Խոսելով պահ առաջ Ադրբեջանի առաջարկած խաղաղության պայմանագրի ստորագրման անհրաժեշտության մասին՝ Չավուշօղլուն նշել է, որ Թուրքիան Հարավային Կովկասում խաղաղություն է ցանկանում և այդ գործընթացին աջակցելու համար Հայաստանի հետ որոշ քայլեր է իրականացրել։

Իսկ Թուրքիա-Հայաստան հարաբերություններին անդրադառնալով՝ Թուրքիայի ԱԳ նախարարը խոսել է Հայոց ցեղասպանության կազմակերպման մեջ մեղավոր թուրք և ադրբեջանցի քաղաքական գործիչներին պատժելու նպատակով կազմակերպված «Նեմեսիս» գործողությանը նվիրված աղբյուր-հուշակոթողի տեղադրմանը Երևանում։

«Հայաստանում՝ Երևանում, անցյալում մեր ադրբեջանցի եղբայրներին, օսմանյան շրջանի մեր զինվորներին և դիվանագետներին նահատակած ահաբեկիչների համար արձանի կանգնեցումն անընդունելի քայլ էր: Մենք էլ որոշ միջոցներ ձեռնարկեցինք, փակեցինք մեր օդային սահմանը երրորդ երկրներ գնացող ինքնաթիռների համար»,-ասել է Չավուշղլուն։

Բացի այդ թուրք նախարարը, Հայոց ցեղասպանությունը որակելով հորինվածք, ընդգծել է, որ հույս ունի, թե Հայաստանը կուղղի այսպես կոչված սխալը (կապամոնտաժի Նեմեսիսի արձանը-խմբ․), հակառակ դեպքում սպառնացել է ձեռնարկել նոր միջոցներ և քայլեր։

Աղբյուր` Sabah.com.tr

Այս ենթաբաժնի վերջին նորությունները

19:35, 18 սեպ

Թուրքիան և Ճապոնիան համագործակցում են երկաթուղային տեխնոլոգիաների ոլորտում

Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն անդրադարձել է թեմային։

15:15, 18 սեպ

Թուրքիան և Եգիպտոսն Արևելյան Միջերկրականում ռազմածովային վարժանքներ կիրականացնեն

Թուրքիայի ՊՆ խոսնակն անդրադարձել է նաև Գազայի վրա Իսրայելի հարձակումներին՝ կոչ անելով միջազգային հանրությանը գործել և կանգնեցնել տարածաշրջանում տեղի ունեցող բռնությունները։