Քաղաքական12:38, 15 Մայիս 2023
Թուրքիայում հավանաբար կլինի նախագահական ընտրությունների 2-րդ փուլ
Թուրքիայում անցկացված նախագահական և 28-րդ գումարման խորհրդարանական ընտրություններում բացվել է քվեատուփերի 99.3 տոկոսը։
Ըստ Բարձրագույն ընտրական խորհրդի նախագահ Ահմեդ Եների՝ ժամը 09:45-ի դրությամբ Ռեջեփ Թայիփ Էրդողանը 49.40 տոկոսով առաջին տեղում է, իսկ ընդդիմադիր մրցակից Քեմալ Քըլըչդարօղլուն ստացել է քվեների 44.96%-ը։ «Աթա» դաշինքի թեկնածու Սինան Օգանն էլ ստացել է ձայների 5.20 տոկոսը։
Իշխող ուժի «Ժողովուրդ» (Cumhur) դաշինքը հավաքել է 49.37 տոկոս, ընդդիմադիր «Ազգ» (Millet) դաշինքը՝ 35.12 տոկոս, «Աշխատանք և ազատության դաշինքը»՝ 10.52 տոկոս:
Գործող նախագահ Ռեջեփ Թայիփ Էրդողանը երեկ երեկոյան Անկարայում պատշգամբից ելույթ է ունեցել՝ դիմելով իր կողմնակիցներին:
«Չնայած ստույգ արդյունքները դեռևս պարզ չեն, բայց մենք մեծ առավելությամբ առաջատար ենք»,- ասել է նա։ Նաև նշել է, որ սա Թուրքիայի պատմության մեջ մասնակցության ամենաբարձր ցուցանիշով ընտրություններից մեկն է:
Իսկ Քեմալ Քըլըչդարօղլուն ընտրություններից հետո հայտարարություն է արել. «Այս պահին տվյալները շարունակում են թարմացվել։ Եթե մեր ազգն ասի «երկրորդ փուլ», մենք անվարան կընդունենք դա։ Այս ընտրություններում մենք անպայման հաղթելու ենք, 2-րդ փուլում բոլորը դա կտեսնեն»։
Այս ընտրություններում ստացած քվեների քանակով անակնկալներից մեկը համարվող նախագահի թեկանծու Սինան Օղանն իրենց համար հաջողված է համարում այս ընտրությունները: Սինանը դեռ մայիսի 14-ի գիշերը հանդես էր եկել հայտարարությամբ՝ ավելի շատ հավանական համարելով երկրորդ փուլի անցկացումը: Նա նշել էր, որ 2-րդ փուլում թեկնածուներից որևէ մեկին աջակցելու որոշում դեռ չունի։
Վերջնական արդյունքները պարզ լինելուց հետո կհայտարարվի ընտրությունների 2-րդ փուլի անցկացման մասին: Այն նախատեսվում է, որ տեղի կունենա մայիսի 28-ին:
Այս ենթաբաժնի վերջին նորությունները
Մայիսի 5-ին Թոմաս Բարաքն Անկարայի Էսենբողա օդանավակայանում զրուցել է լրագրողների հետ:
«Ես չեմ տեսնում ոչ մի նշան, որ իրավիճակը կգնա դեպի լավը»,- հավելել է Էքրեմ Բաքին։
«Քուրդիստանի բանվորական կուսակցության» հիմնադիր-աառաջնորդը զենքերը վայր դնելու և ինքնալուծարվելու մասին կոչով միջնորդավորված կերպով հանդես էր եկել փետրվարի 27-ին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:
Թուրքական մամուլում որպես պատճառ նշվում է իրանական նավթի ներկրումը:
Հարձակումն կատարած անձը ձերբակալվել է: Դեպքի հանգամանքները պարզվում են:
JINSA-ի զեկույցում ընդգծվել է, որ Թուրքիան կործանիչների ձեռքբերման տեսանկյունից վստահելի չէ:
Հեռախոսազրույցի ընթացքում Թուրքիայի նախագահը Սպիտակ տան ղեկավարին հրավիրել է Թուրքիա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |