Չավուշօղլուն սպառնում է Հայաստանին Նեմեսիսի հուշակոթողի թեմայով. «Մտադիր ենք միջոցներ ձեռնարկել»

Քաղաքական14:26, 08 Մայիս 2023

Չավուշօղլուն սպառնում է Հայաստանին Նեմեսիսի հուշակոթողի թեմայով. «Մտադիր ենք միջոցներ ձեռնարկել»

Թուրքիայի արտգործնախարար Մևլութ Չավուշօղլուն «Lider Haber» TV-ի եթերում անդրադարձել է «Նեմեսիս» գործողությանը նվիրված աղբյուր-հուշակոթողի տեղադրմանը Երևանում, ինչպես նաև հայ-թուրքական կարգավորման գործընթացին։

«Այս կարգավորման գործընթացում մենք որոշ ժեստեր արեցինք։ Մեր նպատակը մի կողմից, Հայաստանի հետ կարգավորման հարցում որոշ քայլեր անելը, մյուս կողմից էլ Հայաստանի և Ադրբեջանի հարաբերությունների կարգավորմանը և խաղաղության բանակցություններին նպաստ բերելն է։ Այդ ժեստերը մենք արեցինք, մյուս կողմից էլ պահանջներ եղան երրորդ երկրների քաղաքացիների և դիվանագիտական անձնագիր ունեցողների առաջ սահմանը բացելու հարցում:

Սակայն այս ընթացքում ևս մեկ անգամ ցույց տվեցին, որ անկեղծ չեն և այդ «Նեմեսիսի» հուշարձանը կանգնեցրին։ Մենք էլ նրանց ասացինք, եթե դուք այդ հուշարձանը չհեռացնեք, մի կողմ թողած կարգավորման գործընթացը՝ կանենք հակառակ քայլեր»։

Ըստ Չավուշօղլուի՝ Թուրքիան Հայաստանին է հղել «անհրաժեշտ ուղերձներ ինչպես հայ-թուրքական կարգավորման գործընթացում Թուրքիայի հատուկ ներկայացուցչի միջոցով, այնպես էլ այլ խողովակներով:

Լրագրողի այն հարցին, թե հնարավո՞ր է Թուրքիան պատասխան քայլ անի մեկ այլ հուշարձանով, Չավուշօղլուն ասել է. «Հուշարձանով չէ, բայց մտադիր ենք հավելյալ միջոցներ մտածում ձեռնարկել։ Կներկայացնենք նախագահին, եթե հավանություն լինի։ Որպես առաջնորդ՝ պետք է մեր հարգարժան նախագահի հավանությունը լինի այսպիսի քայլերում, աշխատում ենք այդ ուղղությամբ։ Կարևոր քայլեր արվելու են։ Արվելո՛ւ են, քանի որ հնարավոր չէ, որ մենք դա ընդունենք»:

Աղբյուր` Ermenihaber.am

Այս ենթաբաժնի վերջին նորությունները

14:59, 22 օգոս

Թուրքիայում իշխող կուսակցությունն իր դիրքերը զիջում է ընդդիմադիր ուժին

Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։

14:25, 22 օգոս

Գազայում բնակվող բժիշկն Էրդողանին մեղադրել է իրենց մոլորեցնելու մեջ

Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։

11:34, 22 օգոս

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքական դրոշի վրա «մերկապար» պարելու համար քրեական գործ է հարուցվել

Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»