Քաղաքական22:48, 10 Ապրիլ 2023
Չավուօղլուն՝ ՀՀ-ի սահմանի մասնակի բացման հնարավորության ու գործընթացն Ադրբեջանի հետ համակարգելու մասին
Թուրքիայի արտգործնախարար Մևլութ Չավուշօղլուն թուրքական A Haber-ին տված հարցազրույցում խոսել է նաև Հայաստանի հետ հարաբերությունների մասին։
Լրագրողը հետաքրքրվել է Չավուշօղլուից կարճաժամկետ հեռանկարում 3-րդ երկրների քաղաքացիներ ու դիվանագիտական անձնագրեր ունեցողների համար սահանի բացման, ինչպես նաև առաջիկայում դեսպանների նշանակման հնարավորությունների մասին։
«Այս պահին, առաջիկայում կարճ ժամանակաշրջանում կարող է չլինել։ Սակայն նախ պետք է մյուս քայլերը անենք։ Հայաստանի արտգործնախարար Արարատն էլ Միրզոյան եկավ Թուրքիա։ Նրա հետ այստեղ մեր նախարարությունում էլ հանդիպեցինք։ Մյուս կողմից, իհարկե, Ադրբեջանի և Հայաստանի միջև շարունակվող գործընթացն էլ է մեզ համար ծայրաստիճան կարևոր։ Մնայուն խաղաղության պայմանագրի ստորագրման հարցում ինչպես խրախուսում ենք կողմերին, այնպես էլ տրամադրում ամեն տեսակ աջակցություն»,- ասել է Թուրքիայի ԱԳ նախարարը, ապա թվարկել հայ-թուրքական գործընթացի մեկնարկից ի վեր կատարված որոշակի քայլերի մասին։ Դրանց թվում վեջինս նշել է օդային սահմանի բացման, օդային բեռնափոխադրումների մեկնարկի ու հայկական ավիաընկերություններին Թուրքիայի տարածքով 3-րդ երկրներ թռիչքներ կատարելու թույլտվություն տալը։
Ցամաքային սահմանի բացման հնարավորության մասին հարցին պատատասխանելիս էլ Չավուշօղլուն ասել է․ «Դեռևս ցամաքային սահմանն այս երկրաշարժի պատճառով է բացվել, մեկ էլ 99-ի երկրաշարժի ժամանակ էր բացվել։ Ավելի վաղ, երբ Հայաստանում էր երկրաշարժ եղել, մենք էլ Հայաստանին աջակցելու համար այդ սահամանդուռն օգտագործել ենք։ Հիմա նախ և առաջ, որպեսզի այդ սահմանադուռը հնարավոր լինի բացել, քաղաքական պայմանների հետ միասին անհրաժեշտ է ամբողջացնել և վերանորոգել այդ սահմանադուռը, այդ սահմանադռանը ծառայող ճանապարհները, կամուրջները, քանի որ տարիներ շարունակ չեն օգտագործվել»։
Թուրք նախարարը խոսել է նաև հայկական կողմի հետ Անիի պատմական կամրջի վերականգնման պայմանավորվածության մասին։ Չավուշօղլուն հայտնել է նաև սահմանի բացման համար անհրաժեշտ ենթակառուցվածքների, կամուրջների ուսումնասիրման ու այլ տեխնիկական աշխատանքներ իրականացման մասին։
Վերջում էլ հերթական անգամ հիշեցրել է գործընթացն Ադրբեջանի հետ համակարգված իրականացնելու մասին՝ շեշտելով, որ իրենք հայկական կողմին ասել են, որ պետք չէ զարմանալ այդ փաստից։
Այս ենթաբաժնի վերջին նորությունները
Հանդիպման օրակարգում են լինելու Թուրքիայի՝ Եվորպական միությանն անդամակցելու գործընթացին վերաբերող հարցեր:
Մայիսի 5-ին Թոմաս Բարաքն Անկարայի Էսենբողա օդանավակայանում զրուցել է լրագրողների հետ:
«Ես չեմ տեսնում ոչ մի նշան, որ իրավիճակը կգնա դեպի լավը»,- հավելել է Էքրեմ Բաքին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:
Թուրքական մամուլում որպես պատճառ նշվում է իրանական նավթի ներկրումը:
Թուրքիայի արդարադատության նախարարությունը տվյալներ է հրապարակել դատապարտյալների թվի վերաբերյալ։
Հարձակումն կատարած անձը ձերբակալվել է: Դեպքի հանգամանքները պարզվում են:
JINSA-ի զեկույցում ընդգծվել է, որ Թուրքիան կործանիչների ձեռքբերման տեսանկյունից վստահելի չէ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |