Արաբական մամուլն անդրադարձել է Անկարա-Դամասկոս երկխոսությանը

Քաղաքական16:41, 24 Մարտ 2023

Արաբական մամուլն անդրադարձել է Անկարա-Դամասկոս երկխոսությանը

Արաբական լրատվականները շարունակում են կիզակետում պահել Թուրքիա-Սիրիա հնարավոր կարգավորման գործընթացը:

Մասնավորապես, Լիբանանի առաջատար թերթերից մեկը՝ «Al Akhbar»-ը, անդրադառնալով Սիրիայի նախագահ Բաշար Ասադի Թուրքիայի նախագահ Ռեջեփ Թայիփ Էրդողանի հետ հնարավոր է հանդիպմանը, հիշատակել էր Սիրիայի ղեկավարը առաջ քաշած պայմանը, առ այն, որ նման հանդիպում կարող է լինել միայն, երբ Թուրքիայի բանակը դուրս Սիրիայի հյուսիսից:

Հրապարակման մեջ նշվել է, որ Անկարան փորձում է վստահել Դամասկոսին աշխատելով լուծման առաջարկների վրա, որոնք կազմվել են Իրանի և Ռուսաստանի միջնորդությամբ:

Վերոնշյալ պայմանից հետո հետաձգված Սիրիա-Ռուսաստան-Իրան-Թուրքիա քառակողմն հանդիպման վերաբերյալ թերթը մասնավորապես նշել է.

«Մոսկվան փորձում է հետաձգել հանդիպումը, մինչև նոր ժամկետի պարզ դառնալը»:

Հիշեցնենք, որ վերջին տարիներին Թուրքիայի զինված ուժերը սիրիական ընդդիմադիր ուժերի օգնությամբ մի շարք խոշոր ռազմական գործողություններ են իրականացրել Սիրիայի հյուսիսում, որոնց հետևանքով այդ տարածքների մի մասը դուրս է եկել Սիրիայի քրդական ուժերի վերահսկողությունից, որոնց պաշտոնական Անկարան համարում է ահաբեկչական:

Պաշտոնական Դամասկոսը բազմիցս կոչ է արել միջազգային հանրությանը ճնշում գործադրել Թուրքիայի վրա, որպեսզի Անկարան դուրս հանի իր զորքերը Սիրիայի հյուսիսային մի հատվածից:

Հավելենք նաև, որ Թուրքիայի նախագահ Էրդողանը մի քանի ամսի առաջ հայտարարել էր, որ Վլադիմիր Պուտինին առաջարկել է Սիրիայի նախագահ Բաշար Ասադի մասնակցությամբ եռակողմ հանդիպում կազմակերպել։

«Ես Պուտինին առաջարկել եմ անցկացնել Ռուսաստանի Դաշնության, Թուրքիայի և Սիրիայի ղեկավարների հանդիպում, և նա դրական է արձագանքել նախաձեռնությանը։ Սա սկիզբ կդնի բանակցությունների շարքին»,- Էրդողանի խոսքերն է մեջբերում Anadolu գործակալությունը։

Աղբյուր` cumhuriyet.com.tr